လှူကထိန် သင်္ကန်းနှင့် မဂ်လမ်းကိုရွယ် တရားတော် ကို ချမ်းမြေ့ရိပ်သာဆရာတော်ဘုရား သည်ရန်ကုန်မြို့ မဟာဗောဓိကျောင်းဘုံကထိန်ပွဲ၌ ဟောကြားတော်မူခဲ့ပါသည်.
ဟောကြားသောနေရာ။ ။ကျေးဇူးရှင် ချမ်းမြေ့ဆရာတော်ဘုရားသည် ရန်ကုန်တိုင်း၊ ရန်ကင်းမြို့နယ်၊ ကျောက်ကုန်း၊ မဟာဗောဓိ ကျောင်းတိုက်တွင် ကျင်းပခဲ့သော ဒုတိယအကြိမ် ဘုံကထိန်သင်္ကန်း ဆက်ကပ်ပွဲ၌ ´´လှူကထိန် သင်္ကန်းနှင့် မဂ်လမ်းကိုရွယ်´´ တရားတော်ကို ရန်ကုန်မြို့ မန္တလေးအသင်း၏ ပင့်လျှောက်ချက်အရ ၁၃၄၂ ခုနှစ်၊ တန်ဆောင်မုန်းလဆန်း (၂) ရက် (၉-၁၁-၁၉၈၀) နေ့တွင် ဟောကြားတော်မူခဲ့ပါသည်။
ထူးခြားသော တရားတော်။ ။ ကထိန်သင်္ကန်း ဆက်ကပ်ပွဲတိုင်း၌ ဘဒ္ဒ၀ဂ္ဂီ ညီနောင်သုံးကျိတ် တရားတော် ကို ကြားနာကြ ရသည်သာ များပါသည်။ ဆရာတော်ဘုရား ဟောကြားတော်မူသော ဤတရားတော်မှာ တစ်မူထူးခြားသည်ဟု ဆိုရပါမည်။ အဘယ့်ကြောင့်ဆိုသော် ကြားနေကျ နာနေကျ ကထိန်တရားတော်မျိုးမဟုတ်ဘဲ ကထိန်သင်္ကန်း၊ မိုးပေါ်ကျသင်္ကန်း၊မသိုးသင်္ကန်း စသည့် အခေါ်အဝေါ်များမှစ၍ အများနားလည်အောင် ရှင်းလင်းဟောကြားထားရုံမျှမက ကထိန် အလှူနှင့် အခြားသောအလှူတို့၏ ခြားနားပုံ စသည်တို့ကို သဘာဝကျကျ ရှင်းလင်းဖော်ပြ ထားသောကြောင့်ပင် ဖြစ်ပါသည်။
မှတ်သားဖွယ် အချက်များ။ ။ဉတ်သင်္ကန်းဟူသည်မှာ မည်သည့်သင်္ကန်းကို ခေါ်ကြောင်း၊ ကထိန်ကိုမည်သူကခင်းကြောင်း၊ ကမ္မ၀ါစာ၏အဓိပ္ပါယ်၊ ကထိန်းခင်းထိုက်သူ ရဟန်းတော်၌ ပြည့်စုံ ရမည့် အင်္ဂါရပ်များ၊ ကထိန် ခင်းပုံခင်းနည်း စသည်တို့ကို ရှင်းလင်းစွာ ဟောကြား တော်မူပါသည်။
ကထိန်သင်္ကန်း လှူဒါန်းရခြင်း၏ ထူးခြားချက်များ၊ သံဃိကဒါန (၇) မျိုး၊ သံဃာအား လှူဒါန်းရခြင်း အကျိုးကြီးမားပုံ၊ ဥပါဒါန်အစွဲကင်းသည့်ဒါန ကထိန်ခင်းခွင့်ပြုရသည့်အကြောင်း အရင်း စသည်တို့ကို အသေးစိတ် မှတ်သားကြရပါသည်။
အားကောင်းသည့်စေတနာ။ ။စေတနာအားကောင်းသည့်အတွက် ကြီးမားသောအကျိုး ကျေးဖူးများကို ရရှိနိုင်သည်ကို သဘာဝကျကျ ဟောကြာထားသည့်အပြင် ထပ်ဆင့် အကျိုးများ ကိုလည်း ရရှိနိုင်ကြောင်း ဖတ်ရှုနိုင်ပါသည်။
မှန်ကန်သည့် ဥိးတည်ချက် ။ ။ ဒါနကုသိုလ်အစရှိသည့် ကုသိုလ်တရားများ အားထုတ်သည့်အခါ ထားရမည့် ဦးတည်ချက်ကိုလည်း ပီပြင်စွာ ညွှန်ပြထားပါသည်။ ဦးတည်ချက်မှန်ကန်သဖြင့် လောကီ လောကုတ် အကျိုးနှစ်မျိုးလုံး ရရှိသည့် သာဓကကိုလည်း ထုတ်ပြထားသည်။
ရည်ရွယ်ချက်။ ။စာရှုသူတို့သည် ဤထူးခြားသည့် တရားတော်ကိုဖတ်ကြားမှတ်သားပြီး ``ချမ်းမြေ့စေကြောင်း မဂ္ဂင်လမ်းကြောင်းပေးသို့ ကောင်းမွန်စွာ ရောက်ရှိကြစေရန်´´ ဟူသော ရည်ရွယ်ချက်ကို ကျွန်တော်များ ချမ်းမြေ့ရ်ိပ်သာ ဝေယျာဝစ္စ အဖွဲ့က ထားရှိပါသည်။ (၂၅-၅-၁၉၈၂)။
လှူကထိန်သင်္ကန်း နှင့် မဂ်လမ်းကိုရွယ်
နမော တဿ ဘဂ၀တော အရဟတော သမ္မာသမ္ဗုဒ္ဓဿ
ကထိန် ။ ။ဒီနေ့ဟာ ဒီမဟာဗောဓိကျောင်းတိုက်မှာ ပုရိမ၀ါမှ ထတော်မူကြတဲ့ ပုရိမ၀ါ ကျွတ်တော မူကြတဲ့ သံဃတော်များကို ကထိန်ခင်းဖို့ရာ ကထိန်သင်္ကန်း လှူဒါန်းရတဲ့နေ့ ဖြစ်တယ်။ ကထိန် ဆိုတာ ကထိန်ခင်းခြင်းကြောင့် ရတဲ့အကျိုးငါးပါးကိ ခိုင်မြဲအောင် ပြုတတ်လို့ ကထိန်ခေါ်ရကြောင်း ကျမ်းဂန်များမှာ ဖွင့်ပြကြပါတယ်။ စင်စစ်တော့ ကထိန်ဆိုတာ မြတ်စွာဘုရားခွင့်ပြု ပညတ်တော် မူထားခဲ့တဲ့ သံဃ ကိစ္စ သံဃာ့လုပ်ငန်တစ်ခုကို ခေါ်ဝေါ်ထားတဲ့ နာမည် ပညတ်တစ်ခုမျှပါပဲ။ နာမည်မှာ အဓိပ္ပါယ်ရှာလို့ အကျိုးသိပ်များလှပါဘူး...
ကထိန်သင်္ကန်း ။ ။ကထိန်ခင်းဖို့ သင်္ကန်းကို ကထိန်းသင်္ကန်းလုိ့ခေါ်ပါတယ်။ ကထိန်လျာ သင်္ကန်း ဆိုလျှင်လဲ ဟုတ်ပါတယ်။ ဘုရားဖြစ်မည့်ပုဂ္ဂိုလ်ကို ဘုရားလောင်းလျာလို့ခေါ်သလို ကထိန်ခင်းမည့် သင်္ကန်းကို ကထိန်လျာသင်္ကန်းလို့ ခေါ်တာပါပဲ၊ ပါဠိလို ကထိနဒုဿ = ကထိနစီဝရ လို့ ခေါ်ပါတယ်။ ဒီကထိန်သင်္ကန်းကို ဒါယကာတစ်ဦးတည်းက မဟုတ်ဘဲ အများစုပေါင်း လှူကြလျှင် တော့ ``ဘုံကထိန်လျာ သင်္ကန်း´´ ခေါ်ကြရပြန်ပါတယ်။ ဒီနေ့ဒီမဟာဗောဓိကျောင်းမှာ လှူဒါန်းတဲ့ ကထိန်သင်္ကန်းဟာ မန္တလေးအသင်းက ဦးဆောင်ပြီး စေတနာ ရှင်များ စုပေါင်းလှူဒါန်းတာ ဖြစ်လို့ ဘုံကထိန်လျာ သင်္ကန်းပါပဲ။
မိုပေါ်ကျ သင်္ကန်း ။ ။ဒီကထိန်သင်္ကန်းဟာ သံဃာတော် တစ်ပါးပါးက နှုတ်မြွက်ပြောဆိုပြီး အလှူခံလို့ လှူတဲ့ သင်္ကန်းမဟုတ်ရပါဘူး။ အရိပ်အမြွက်လေးတောင်မှ ကထိန်သင်္ကန်းလှူဖို့ မပြောရပါဘူး။ ဒါယကာ ဒါယိကာမများ သူ့အလိုလျောက် သဒ္ဓါတရားပေါက်ပြီး လှူတဲ့ သင်္ကန်းဖြစ်ရပါတယ်။ ဒါကိုပဲ မိုးပေါ်ကျသင်္ကန်း လို့ခေါ်ပါတယ်။ သံဃာတစ်ပါးပါးက တစ်နည်း နည်းနဲ့ အလှူခံလို့ လှူဒါန်းတဲ့သင်္ကန်းနဲ့ ကထိန်ခင်းလျှင် ကထိန် မမြောက်ပါဘူး။
မသိုးသကန်း ။ ။ပြီးတော့ သိုးတဲ့သင်္ကန်းနဲ့ ကထိန်ခင်းလျှင်လည်း ကထိန်မမြောက်ပါဘူး။ သိုးတဲ့သင်္ကန်းဆိုတာ ကထိန်ဒါယကာက ကထိန်သင်္ကန်းကို လှူတဲ့နေ့မှာ ကထိန်မခင်းဘဲ နောက်တစ်နေ့မှ ကထိန်ခင်းရင် တစ်ညလွန်သွားတဲ့အတွက် အဲဒိကထိန်သင်္ကန်းကို သိုးတဲ့သင်္ကန်း လို့ ခေါ်ရပါတယ်။ လှူတဲ့နေ့မှာပဲ ကထိန်ခင်းလျှင် အဲဒိသင်္ကန်းကို မသိုးသင်္ကန်းလို့ ခေါ်ရပါတယ်။ မသိုးသင်္ကန်းနဲ့သာ ကထိန်ခင်းရပါတယ်။
ဉတ် သင်္ကန်း ။ ။ အဲဒိသင်္ကန်းကတော့ သင်္ကန်းသုံးထည်ထဲက တစ်ထည်ထည် ဖြစ်ရပါတယ်။ နှစ်ထပ် သင်္ကန်းကြီး၊ ဧကသီ သို့မဟုတ် သင်းပိုင် တစ်ထည်ထည်ဖြစ်ရပါတယ်။ သုံးထည်လုံးနဲ့ ကထိန်ခင်းရတာ မဟုတ်ပါဘူး၊ သုံးထည်ထဲက တစ်ထည်ထည်နဲ့သာ ခင်းရပါတယ်။
ကထိန်သင်္ကန်းကို ကထိန်ခင်းထိုက်တဲ့ ရဟန်းအား ပေးတဲ့အခါမှာ ဉတ္တိဒုတယကမ္မ၀ါစာ ဖတ်ပြီး ပေးရတာဖြစ်တော့ ကထိန်သင်္ကန်းကို ဉတ် သင်္ကန်းကြီး လို့လဲ သာသနာဝေါဟာရ တွင်နေပါတယ်။
ဉတ်သင်္ကန်းကြီးလို့ ခေါ်ကြတော့ တချို့က ကထိန်ခင်းတာ နှစ်ထပ်သင်္ကန်းကြီးနဲ့မှ ခင်းလို့ရတယ် လို့ ထင်မှတ်ကြပါတယ်။ ဒီလိုမဟုတ်ပါဘူး။ ဧကသီနဲ့လည်းခင်းလို့ရပါတယ်။
ဒါကြောင့် ဧကသီတို့၊ နှစ်ထပ်သင်္ကန်းကြိးတို့ မလှူနိုင်တဲ့ ကထိန်ဒါယကာဟာ သင်းပိုင် တစ်ထည် လှူလျှင်လည်းပဲ ကထိန်သင်္ကန်းအလှူ မြောက်တော့တာပဲ။ သင်းပိုင်လည်းဉတ်သင်္ကန်း ဖြစ်နိုင်ပါတယ်၊ ဧကသီလည်း ဉတ်သင်္ကန်း ဖြစ်နိုင်ပါတယ် ။
ရှေးက သင်္ကန်းစကို လှူကြသည်။ ။ မြတ်စွာဘုရားလက်ထက်တော်တုန်းကတော့ ယခုခေတ်လို ချုပ်ပြီးသား သင်္ကန်းတောင် မလှူကြပါဘူး။ သင်္ကန်းချုပ်ဖို့ ပိတ်စပဲ လှူကြပါတယ်၊ အဒီပိတ်စကိုမှ လျှော်ဖွတ် ချုပ် ဆိုးပြီး ကထိန်ခင်းကြရပါတယ်။ ဒါကြောင့် ကထိန်းခင်းထိုက်တဲ့ ရဟန်းရဲ့ အင်္ဂါထဲမှာ လျှော်ခြင်း၊ ချုပ်ခြင်း၊ ဆိုးခြင်း စတဲ့ ရှေးဦးပြုဖွယ်= ပုပ္ပကရဏ များကို နားလည် ရမယ်ဆိုတဲ့ အချက်ပါနေတာပါပဲ။
ယခုခေတ်မှာတော့ ချုပ်ပြီးသား သင်္ကန်းကိုသာ လှူကြတာဖြစ်လို့ ပုပ္ပကရဏ ၇ ချက်ထဲက ကပ္ပဗိန္ဒု ထိုးတာလောက်ကို နားလည်လျှင်လည်းပဲ လုံလောက်ပြီလို့ ဆိုရမှာပါပဲ။
ဘယ်သူကထိန်ခင်းသလဲ။ ။`ကျွန်တော်တို့ (ကျွန်မတို့) ဒီနှစ် ဘယ်ကျောင်းမှာ ကထိန်ခင်း ကြမယ်´ လို့ ဒကာ ဒကာမတွေ ပြောလေ့ရှိကြပါတယ်။ ဒါပေမယ့် ဒါယိကာ ဒါယိကာမ တွေဟာ သံဃာမဟုတ်လို့ ကထိန်မခင်းနိုင်ကြပါဘူး။ ကထိန်ခင်းဖို့ သင်္ကန်းလှူရုံပဲ လှူနိုင်ကြပါတယ်။ သံဃာတော်ကသာ ကထိန်ခင်း နိုင်ပါတယ်။
ကထိန်သင်္ကန်း လှူဒါန်းသူက သံဃာကို လှူဒါန်းရပါတယ်။ သံဃာတော်ထဲက မိမိ ကြည်ညိုရာ တစ်ပါးပါးကို ဖြစ်စေ၊ ဆရာတော်ကို ဖြစ်စေ ရွေးချယ်အာရုံပြုပြီး ပုဂ္ဂိုလ်ကို ရည်ရွယ် မလှူရပါဘူး၊ ပုဂ္ဂိုလ်ကို ရည်ရွယ်လှူတဲ့ ပုဂ္ဂိလိက သင်္ကန်းနဲ့ ကထိန်မခင်းရပါဘူး၊ သံဃာကို ရည်ရွယ်ပြီး လှူတဲ့ သံဃိက သင်္ကန်းနဲ့သာ ကထိန်ခင်းရပါတယ်။ သံဃာကမှ အဲဒိသင်္ကန်းနဲ့ ကထိန်ခင်းဖို့ရာ ကထိန်ခင်းထိုက်တဲ့ ရဟန်းတော်တစ်ပါးပါးကို ရွေးချယ်ပြီး အဲဒိ ကထိန်သင်္ကန်း ကို ပေးရပါတယ်။ ဒီလို ရဟန်းအား သင်္ကန်းပေးတဲ့အခါ သိမ်ထဲမှာ သံဃာ အညီအညွတ် စည်းဝေးပြီး `ဉတ္တိဒုတိယ ကမ္မ၀ါစာ´ ရွတ်ဖတ်ပြီး ပေးရပါတယ်။
ကမ္မ၀ါစာ ဆိုတာ ဉတ္တိဒုတိယ ကမ္မ၀ါစာ ဉတ်တစ်ကြိမ် ကမ္မ၀ါစာ တစ်ကြိမ် ရွတ်ဖတ်တာကို ဆိုလိုပါတယ်။ ဉတ် ဆိုတာက `သံဃာတော်ဟာ ယခု သံဃာ့ကိစ္စကို ပြုကြပါမယ်´လို့ကြေညာတဲ့ ကြေညာချက်ပါပဲ။ ကမ္မ၀ါစာ ဆိုတာကတော့ အဆိုပြု တင်ပြခက်နဲ့ အတည်ပြုချက်ပဲ ဖြစ်ပါတယ်။ ``သံဃာက ဒီကိစ္စ ဒီကံကို ဒီလိုပြုလုပ်ပါတယ်။ သဘောတူကြပါသလား။ သဘောမတူလျှင် ပြောတော်မူကြပါ။ သဘောတူလျှင် ဆိတ်ဆိတ်နေတော်မူကြပါ´´ လို့ အဆိုပြုရ တင်ပြရပါတယ်။ သံဃာတော်များအထဲက မည်သူမျှ တစ်စုံတရာမပြောဆိုဘဲ ဆိတ်ဆိတ်နေကြလျှင် အဲဒိသံဃ ကိစ္စ သံဃကံကို အားလုံး သဘောတူတယ်လို့ ယူဆရပါတယ်။ ဒိတော့မှ ဒီကံ ဒီကိစ္စ အတည် ဖြစ်ကြောင်း သိစေရပါတယ်။
အဲဒီလို ကထိန်ခင်းထိုက်တဲ့ရဟန်းဟာ ဉတ္တိဒုတိယကမ္မ၀ါစာ နဲ့ ကထိန်သင်္ကန်း ပေးပြီး တဲ့နောက် ဒီရဟန်းတော်က ကထိန်ခင်းရပါတယ်။
ဒီနေရာမှာ ကထိနတ္ထာရာရဟ = ကထိန်ခင်းထိုက်တဲ့ရဟန်း ဆိုတာကို အနည်းငယ် သိထားလျှင် ကောင်းပါတယ်။ ရဟန်းတော်တိုင်း ကထိန်ခင်းထိုက်တာမဟုတ်ပါဘူး။ ကထိန် ခင်းထိုက်တဲ့ ရဟန်း၊ ကထိန်မခင်းထိုက်တဲ့ရဟန်းလို့ နှစ်မျိုးရှိပါတယ်။
ကထိန်ခင်းထိုက်တဲ့ရဟန်း။ ။ ကထိန်ခင်းထိုက်တဲ့ ရဟန်းမှာ ပြည့်စုံရတဲ့ အင်္ဂါက (၁) ကထိန်ခင်းရာကျောင်းမှာ ၀ါဆိုလပြည့်ကျော် ၁ ရက်နေ့တွင် ပုရိမ ၀ါဆိုပြီး ၀ါမကျိုး ၀ါမပြတ်ဘဲ သီတင်းကျွတ်လပြည့်နေ့မှာ ပုရိမ၀ါ ကျွတ်ရခြင်း အင်္ဂါတစ်ပါး၊ (၂) ကထိန်ခင်းခြင်းနှင့် ပတ်သက်တဲ့အရေးကြီးတဲ့ အချက်အလက်များကို သိနားလည်ရခြင်း အင်္ဂါ တစ်ပါး အဲဒီနှစ်ပါးပါပဲ။
အဲဒိ အင်္ဂါနှစ်ပါးအနက်က နံပါတ်တစ်အင်္ဂါနဲ့ ပတ်သက်ပြီး နည်းနည်းရှင်းရလျှင်တော့ ရဟန်းတော်များဟာ ၀ါဆိုလပြည့်ကျော် (၁)ရက်နေ့ ၀ါဆိုလျှင် ပထမ၀ါ (ပုရိမ) ၀ါဆိုတယ်လို့ ခေါ်ပါတယ်။ အဲဒိရဟန်းတော်ဟာ သီချင်းကျွတ်လပြည့်နေ့မှာ ၀ါကျွတ်ပါတယ်။ ဒီရဟန်းတော်ကို ပုရိမ၀ါ ကျွတ်တဲ့ရဟန်း လို့ခေါ်ပါတယ်။
ဝါခေါင်လပြည့်ကျော် (၁) ရက်နေ့ကျမှ ၀ါဆိုလျှင်တော့ ဒုတိယ၀ါပစ္ဆိမ၀ါ ဆိုတယ်လို့ ခေါ်ပါတယ်။ တန်ဆောင်မုန်းလပြည့်နေ့ကျမှ ၀ါကျွတ်ပါတယ်။ ဒီရဟန်းတော်ကို ပစ္ဆိမ၀ါ ကျွတ်တဲ့ ရဟန်းလို့ ဆိုလိုပါတယ်..
ဒီရဟန်းနှစ်မျိုးအနက်က ပုရိမ၀ါကျွတ်တဲ့ ရဟန်းသာလျှင် ကထိန်ခင်းထိုက်တဲ့ ရဟန်း ဖြစ်ပါတယ်။ ပစ္ဆိမ၀ါကျွတ်တဲ့ရဟန်းဟာ ကထိန်ခင်းထိုက်တဲ့ ရဟန်းမဟုတ်ပါဘူး၊ ပုရိမ၀ါပင် ဆိုသော်လည်း ၀ါတွင်းမှာ မိမိဝါဆိုရာ ကျောင်းမှ (၇) ရက်လွန်အောင် ထွက်ခွာနေလို့ ၀ါကျိုး ၀ါပြတ်တဲ့ ရဟန်းလည်းပဲ ကထိန်ခင်းထိုက်တဲ့ရဟန်း မဟုတ်ပါဘူး။
နံပါတ်(၂) အင်္ဂါ အရ ကထိန်ခင်းတဲ့ ရဟန်းဟာ ကထိန်နဲ့ ပက်သက်လို့ ကထိန်လျာ သင်္ကန်းစကို လျှော်ခြင်း အခန်းစီစဉ်ခြင်း ဖြတ်ခြင်း တည်းအပ်နှင့် ဖွဲ့တွယ်ခြင်း၊ ချုပ်ခြင်း ဆိုးခြင်း ကပ္ပဗိန္ဒု ထိုးခြင်း စတဲ့ ရှေးဦးပြုဖွယ်(ပုပ္ပကရဏ) ခုနှစ်ပါးကို နားလည်ထား ရပါတယ်၊ သင်္ကန်း ပစ္စုဒ္ဓိရ် ပြုပုံ၊ သင်္ကန်း အဓိဌာန်တင်ပုံ ကထိန်ခင်းပုံ၊ ကထိန်နုတ်ခြင်း ရှစ်မျိုး၊ ပလိဗောဓ နှစ်မျိုး၊ ကထိန်ပျက်ပြယ်ပုံနဲ့ ကထိန်ရဲ့အကျိုးအာနိသင် တို့ကိုလည်း နားလည်ထား ရပါတယ်။
အဲဒိ အင်္ဂါတွေနဲ့လည်း ပြည့်စုံတယ်၊ သင်္ကန်းလဲ နွမ်းပါးတဲ့ရဟန်းကို သံဃာက ရွေးချယ်ပြီး ကထိန်သင်္ကန်းပေးရပါတယ်။ သင်္ကန်းနွမ်းပါးတဲ့ ရဟန်းတွေ များနေလျှင် အကြီးဆုံး မထေရ်ကို ပေးရပါတယ်။ သံဃာအားလုံး သင်္ကန်းပြည့်စုံနေကြလျှင် ဒီကျောင်းတိုက်ထဲက အကြီးဆုံး မထေရ်ကို ပေးရပါတယ်။ ကထိန်သင်္ကန်းပေးတာကတော့ ကမ္မ၀ါစာဖတ်ပြီး ပေးရတာဖြစ်လို့ သိမ်ထဲမှာပဲ ပေးရပါတယ်။ ခင်းတာကတော့ ဒီကျောင်းတိုက်ထဲမှာ သင့်လျှော်သည့် ဘယ်နေရာ မဆို ခင်းနိုင်ပါတယ်။
ကထိန်ခင်းပုံ ။ ။ ကထိန်နဲ့ပတ်သက်လို့ ကထိန်ခင်းပုံအစီအစဉ်ကို ၀ိနည်း ကျမ်းဂန်များမှာ သေသေချာချာ ဖော်ပြထားပါတယ်။
၁။ ရှေးဦးစွာ ကထိန်ဒကာများလှူတဲ့ ကထိန်သင်္ကန်းကို သံဃာက ခံယူရပါတယ်။
၂။ သံဃာက ကထိနတ္ဆာရာရဟ = ကထိန်ခင်းထိုက်တဲ့ ရဟန်း ကို ရွေးချယ်ရပါတယ်။
၃။ ရွေးချယ်ပြီးတော့ အဲဒိရဟန်းကို သံဃာက သိမ်ထဲမှာ ဉတ္တိဒုတိယ ကမ္မ၀ါစာ နဲ့ ကထိန်သင်္ကန်းပေးရပါတယ်။
၎။ ကထိန်သင်္ကန်းရပြီးတဲ့အခါ အဲဒီ ရဟန်းက မိမိမှာ မူလက တိစီဝရိတ် အဓိဌာန်တင်ထားတဲ့ သင်္ကန်းကို အဓိဌာန်ချရ အဓိဌာန် ရုပ်သိမ်းရပါတယ်။ ၀ိနည်းစကားအရ ပစ္စုဒ္ဓိရ် ပြုတယ်လို့လဲ သုံးနှုန်းပါတယ်။ဒုကုဋ်သင်္ကန်းကြီးနဲ့ ကထိန်ခင်းဖြစ်မယ်ဆိုလျှင် ဒုကုဋ်သင်္ကန်းကြီအဟောင်းကို အဓိဌာန်ချ၊ ဧကသီနဲ့ခင်းမှာဆိုလျှင် ဧကသီကို သင်္ကန်းအဟောင်းကိုအဓိဌာန်ချ၊ သင်းပိုင်နှင့် လည်း ထို့နည်းတူစွာပင်။
၅။ သင်္ကန်းအဟောင်းကို အဓိဌာန်ချ၊ ပစ္စုဒ္ဓိရ် ပြုပြီးတဲ့အခါမှာ ကထိန်ခင်းမည့် သင်္ကန်းအသစ်ကို ကပ္ပဗိန္ဒုထိုးရပါတယ်။ ကပ္ပဗိန္ဒုဆိုတာ သင်္ကန်းထောင့်မှာ အညိုရောင်ဖြစ်စေ၊ရွှံ့ရောင်ဖြစ်စေ၊ အနက်ရောင်ဖြစ်စေ အစက်အပျောက်လေးတစ်ခု ထိုးရ ရေးရပါတယ်။ တချို့သုံးခုထိုးတတ် ကြ ပါတယ်။ သုံးခုမလိုပါဘူး တစ်ခုပဲ ထိုးရပါတယ်။
၆။ ကပ္ပဗိန္ဒု ထိုးပြီးတော့ အဲဒိသင်္ကန်အသစ်ကို ဒုကုဋ် သင်္ကန်းကြီးဖြစ်လျှင် ``ဣမံ သံဃာဋိ အဓိဋ္ဌာမိ´´ ဧကသီဖြစ်လျှင်``ဣမံ ဥတ္တရာသင်္ဂံ အဓိဋ္ဌာမိ´´ သင်းပိုင်ဖြစ်လျှင် ``ဣမံ အန္တ၀ါသကံ အဓိဋ္ဌာမိ´´ လို့ သုံးကြိမ် ရွတ်ဆိုပြီး အဓိဋ္ဌာန် တင်ရပါတယ်။
၇။ အဓိဋ္ဌာန် တင်ပြီးမှ အဲဒိ အဓိဋ္ဌာန်တင်ထားတဲ့ သင်္ကန်းနဲ့ ကထိန်ခင်းရပါတယ်။ ကထိန်ခင်းတဲ့ ရဟန်းက ဒုကုဋ်သင်္ကန်းကြီးနဲ့ ခင်းယင်``ဣမာယ သံဃာဋိယာ ကထိနံ အတ္ထရာမိ=ဤ ဒုကုဋ် သင်္ကန်းကြီးဖြင့် ကထိန်းခင်းပါ၏´´ လို့ ပါဠိလိုဖြစ်စေ၊ မြန်မာလို ဖြစ်စေဆိုပြီးသံဃာ့အလယ်မှာ ခင်းရပါတယ်။ဧကသီနဲ့ခင်းလျှင်`ဣမာယဥတ္တရာသင်္ဂေနေ ကထိနံ အတ္ထရာမိ´ဤဧကသီ ဖြင့် ကထိန်းခင်းပါ၏၊ သင်းပိုင်နှင့်ခင်းလျှင် ``ဣမာယ အန္တရ၀ါသကေန ကထိနံအတ္ထရာမိ´´ဤ သင်းပိုင်ဖြင့် ကထိန်းခင်းပါ၏၊ ဤသို့ဆိုပြီး ခင်းရပါတယ်။ ဒါဟာကထိန်ခင်းတာပဲ..
(၈) ကထိန်ခင်းပြီးလျှင် အခြားရဟန်းများက ၀မ်းမြောက်စကား ပြောကြားရပါတယ်။ ဒါကို ပါဠိလို အနုမေဒနာ ပြုတယ်လို့ ခေါ်ပါတယ်။သံဃာ ရွေးချယ်တဲ့ရဟန်းက အဲဒီလိုကထိန်ခင်းပြီးတဲ့အခါ ``အတ္ထတံ ဘန္တေ(အာဝုသော) သံဃဿကထိန်၊ ဓမ္မိကော ကထိနတ္ထာရော အနုမောဒထ´´ လို့ အနုမောဒနာပြုဖို့ လျှောက်ထားပါတယ်။ အဓိပ္ပါယ်က`ယခုသံဃာက ခင်းလိုက်တဲ့ကထိန် ဟာ တရားနဲ့ လျော်ညီတဲ့အတွက် ၀မ်းမြောက်တော်မူကြပါ´´ လို့ ဆိုလိုပါတယ်။ ဒီတော့မှ သံဃာတော်များက ``အတ္ထတံ ဘန္တေ (အာဝုသော) သံဃဿ ကထိနံ၊ ဓမ္မိကော ကထိနတ္ထာရော အနုမောဒါမိ´´ လုိ့ ၀မ်းမြောက်ကြောင်း တစ်ပါးစီ လျှောက်ထား ပြန်ကြားရပါ တယ်။ အဲဒီလိုလျှောက်ထားပြောကြား လိုက်တော့ ရွေးချယ်ထားတဲ့ ရဟန်း ခင်းတဲ့ကထိန်ဟာ သံဃာခင်းတဲ့ ကထိန်ဖြစ်သွားပြီး ၀မ်းမြောက်စကားပြောကြားတဲ့ သံဃာအားလုံး ကထိန်ရဲ့ အကျိုးအာနိသင် ငါးပါးကို ခံစားရပါတယ်။ သို့သော်လည်း (၁) ၀မ်းမြောက်ကြောင်းကို လုံးဝ မပြောကြားတဲ့ရဟန်း၊ (၂) သံဃာ နားလည်လောက်အောင်မပြောကြားတဲ့ရဟန်း၊ (၃) ဥပစာရ သိမ်လို့ခေါ်တဲ့ ကျောင်းဝင်းရဲ့ ပြင်ပမှာနေပြီး ပြောကြားတဲ့ ရဟန်း.. အဲဒိရဟန်းတွေဟာ ကထိန်ခင်းရာ မရောက်ပါဘူး။ ဒါကြောင့် သူတို့သည် ကထိန်ရဲ့ အကျိုးအာနိသင် ငါးပါးကို ခံစားခွင့် မရှိပါဘူး။
အခု ပြောခဲ့တဲ့ အစီအစဉ်ကို ကျေးဇူးတော်ရှင် လယ်တီ ဆရာတော်ဘုရားကြီးက မှတ်လွယ်အောင် `` ခံ ရွေး ပေးနှင်း၊ စွန့်ထိုးခြင်း၊ တင်ခင်း နုမောဒါ´´ လို့ ဆောင်ပုဒ် လုပ်ထားတော်မူခဲ့ပါတယ်။
သံဃာခင်းတဲ့ကထိန်။ ။ ယခု ပြောခဲ့တဲ့အတိုင်း သံဃာက ရွေးချယ်ထားတဲ့ ပုဂ္ဂိုလ်တစ်ပါးပါး ကထိန်ခင်းတာကို သံဃာက ၀မ်းမြောက်ကား ပြောကြားတော့ သံဃာ ကထိန်ခင်းပြီး ဖြစ်သွားပါ တယ်။ ဒါကြောင့်သံဃာက ကထိန်ခင်းတယ်လို့ ဆိုရပါတယ်။သံဃာကထိန် ခင်းနိုင်အောင် ကထိန် ဒါယကာများက သင်္ကန်းလှူဒါန်းတာ ဖြစ်တော့ ဒါယကာ ကထိန်ခင်းတယ်လို့လဲ ပရိယာယ်အားဖြင့် ဆိုနိုင်ပါတယ်။ ဒါကြောင့်ပဲ `ကျွန်တော် (ကျွန်မ) တို့ ဒီနှစ် ဘယ်ကျောင်းမှာ ကထိန်ခင်းကြမယ်´ လို့ ပြောတဲ့စကားဟာ တစ်နည်းအားဖြင့် သင့်လျော်တယ်လို့ ဆိုရမှာပါပဲ။
ထူးခြားတဲ့အလှူ။ ။ကျောင်းတိုက်တစ်တိုက်မှာ တစ်နှစ်မှတစ်ကြိမ် ကထိန်ခင်းရတာ ဖြစ်တဲ့ အတွက် ကထိန်ခင်းမှုဆိုတဲ့ ကုသိုလ်ယူချင်တဲ့ ပုဂ္ဂိုလ်တွေ အမြောက်အများရှိကြပါတယ်။ တစ်နှစ်တစ်ခါ ကြုံတောင့် ကြုံခဲပြုစုရတဲ့ ကုသိုလ်ဆိုတော့ အားလုံးက ဒီကုသိုလ်ကို ယူချင်ကြ တယ်။ အမြတ်တနိုး ထားကြတယ်။ အဲဒီလိုအမြတ်တနိုးထားကြတဲ့အတိုင်းပဲ ကထိန် အလှူက ထူးလဲထူးခြား ပါတယ်။ ကထိန်အလှူဟာ တခြားအလှူတွေထက် ထူးခြားတာကတော့ အချက်နှစ်ချက် ကြောင့်ပါပဲ။
(၁) ကထိန်လှူဒါန်းတဲ့အခါမှာ ပုဂ္ဂိုလ်တစ်ပါးပါးကို မလှူရဘဲ သံဃာကို လှူရပါတယ်၊ အဲဒါ ထူးခြားချက်တစ်ခုပါပဲ။
(၂) လှူဒါန်းတဲ့ ကထိန်သင်္ကန်းနဲ့ သံဃာက ကထိန်ခင်းပြီးတဲ့ အခါမှာ ကထိန်ခင်းတဲ့ သံဃာဟာ ၀ိနည်းသိက္ခာပုဒ် အချို့မှ တစ်စုံတရာသော အချိန်ကာလ အပိုင်းအခြားအတွင်းမှာ ကင်းလွတ်ခွင့်ရ ပါတယ်။ ၀ိနည်းသိက္ခာပုဒ် အချို့ကို လျော့ပေးလိုက်တဲ့သဘောပါပဲ.. ကထိန်ခင်း ခြင်းကြောင့်ရတဲ့ အကျိုးငါးပါးကို နှစ်စဉ် ကြားနာနေရတာဆိုတော့ ဒကာ ဒကာမများ ဒါကိုသိနေကြပါပြီ။ မြတ်စွာဘုရား ပညတ်ထားတော်မူခဲ့တဲ့ ၀ိနည်းစည်မျဉ်းဥပဒေတွေကို ဘယ်ပုဂ္ဂိုလ်ကမှ လျော့လို့ လဲမရ၊ ထည့်လို့လဲမရ၊ ပြင်လို့လည်း မရပါဘူး။ ဘယ်လို ဒါနကုသိုလ်၊ ဘယ်လို သီလ ကုသိုလ်၊ ဘယ်လို ဘာဝနာကုသိုလ်ကမှ ၀ိနည်းသက္ခိာပုဒ်တွေကို လျော့လို့မရ ၊ထည့်လို့မရ၊ ပြင်လို့လည်း မရပါဘူး။ဒီကထိန်သင်္ကန်းလှူဒါန်းတဲ့ ကုသိုလ်သည်သာလျှင် ၀ိနည်းသိက္ခာပုဒ်အချို့ကို လျော့ လို့ရ၊ တစ်စုံတရာသော ကာလအတွင်းမှာ ဆိုင်းငံ့ထားလို့ရတဲ့ ကုသိုလ် ဖြစ်ပါတယ်။ ဒီလို ၀ိနည်း သက္ခာပုဒ်အချို့ကို လျော့ပေးလို့ရ ကင်းလွတ်ခွင့် ပေးလို့ရတဲ့ ကုသိုလ်ဖြစ်တဲ့အတွက် ဒါလဲပဲ ဒီကထိန်အလှူမှာ ထူးခြားချက် တစ်ချက်ပါပဲ။
ပြီး လှူလျှင် အဲဒိသင်္ကန်းနဲ့ ကထိန်ခင်းလို့ ကထိန် မမြောက်ပါဘူး။
ဒါကြောင့် ပုဂ္ဂိုလ်တစ်ပါးပါးကို လှူလို့ မရပါဘူး၊ ` သံဃာအား လှူပါတယ်´ လို့ သံဃာကို ရည်းစူးပြီးတော့ လှူမှသာလျှင် ကထိန်သင်္ကန်းဟာ ကထိန်ခင်းမှုကို ပြီးမြောက်စေပါတယ်။ အဲဒါကြောင့်ကထိန်မြောက်လိုတယ်၊ ထ မြောက်အောင် မြင်တဲ့ ကထိန်ကို ခင်းလိုတယ်ဆိုလျှင် ဒကာ ဒကာမတွေဟာ သင်္ကန်းကို သံဃာအား လှူရပါတယ်။ ပုဂ္ဂိုလ်အား မလှူရပါဘူး။ ပုဂ္ဂိုလ်အား လှူတဲ့ ပုဂ္ဂလိကအလှူနဲ့ သံဃာအား လှူတဲ့ သံဃိကအလှူ နှစ်ခုအနက် သံဃာအားလှူတဲ့ အလှူက ပိုပြီးတော့ အကျိုးကြီးမားတယ်ဆိုတာ အကြိမ်ကြိမ် အဖန်ဖန် ကြားဖူးကြတာ ဖြစ်တော့ ဒကာ ဒကာမများ နားလည်ပြီး သားပါပဲ။
မြတ်စွာဘုရားက ဘယ်နေရာမဆို သံဃာကို ရှေ့တန်းကအမြဲတမ်း ဦးစားပေးလေ့ရှိ ပါတယ်။ ပုဂ္ဂိုလ်ကို ဦးစားပေးလေ့ မရှိပါဘူး။ ဒါကြောင့် သံဃာ့ကံတွေ ဆောင်ရွက်ရာမှာလဲ သံဃာ အားလုံး သဘောတူညီမှသာလျှင် ကံဟာ အောင်မြင် ထမြောက်စေရမယ်လို့ မြတ်စွာဘုရား ပညတ်ထားပါတယ်။ သံဃာ့ဆန္ဒကို မြတ်စွာဘုရား အမြဲတမ်း လေးစားပါတယ်။ တပည့်သာဝက များ၊ သံဃာဆန္ဒကို လေးစားအောင်လဲပဲ သိက္ခာပုဒ်တွေ ပညတ်ပေးထားပါတယ်။
သံဃိက ဒါန (၇) မျိုး ။ ။ မြတ်စွာဘုရားဟာ သံဃိကဒါန ခုနှစ်မျိုးကို ဒက္ခိဏ၀ိဘင်္ဂသုတ် မှာ ဟောတော်မူခဲ့ပါတယ်။
(၁) ဘုရားအမှူးရှိတဲ့ ဥဘတောသံဃာ ခေါ်တဲ့ ဘိက္ခု ဘိက္ခုနီ သံဃာကို လှူတာက တစ်မျိုး၊
(၂) မြတ်စွာဘုရားမပါဘဲ ဥဘတောသံဃာလို့ ခေါ်တဲ့ ဘိက္ခု ဘိက္ခုနီအား လှူတာက တစ်မျိုး၊
(၃) ဥဘတောသံဃာထဲမှ ဘိက္ခုမည်မျှ ဘိက္ခုနီမည်မျှလို့ အရေအတွက် သတ်မှတ်ပြီးလှူတာက
တစ်မျိုး၊
(၄) ဘိက္ခု သံဃာသက်သက် အား လှူတာက တစ်မျိုး၊
(၅) ဘိက္ခုနီ သံဃာသက်သက်အား လှူတာက တစ်မျိုး၊
(၆) ဘိက္ခု သံဃာ အားလုံးမဟုတ်ဘဲ ဘိက္ခု သံဃာထဲက သံဃာညွှန်ကြားတဲ့သံဃာအချို့အား
လှူဒါန်းတာက တစ်မျိုး၊
(၇) ဘိက္ခုနီ သံဃာ အားလုံးမဟုတ်ဘဲ ဘိက္ခုနီသံဃာထဲက သံဃာညွှန်ကြားတဲ့သံဃာအချို့အား
လှူဒါန်းတာက တစ်မျိုး၊
အဲသည်လို သံဃိက ဒါန (၇)မျိုးရှိပါတယ်။
ဒီသံဃိက ဒါနဟာ ပုဂ္ဂလိကဒါနထက် အကျိုးအဆမတန် ကြီးမာတယ်ဆိုတာလဲ ဒက္ခိဏ၀ိဘင်္ဂသုတ် ဒေသနာတော်မှာပဲ မြတ်စွာဘုရား မိန့်ကြားတော်မူခဲ့ပါတယ်။
``တပည့်အာနန္ဒာ၊ နောင်ကာလကြာသောအခါ ရဟန်းရယ်လို့ ရဟန်းအစစ်အမှန် မရှိတော့ဘဲနဲ့ ရဟန်အမည်ရရုံမျှ အမည်ခံပြီး သင်္ကန်းစလေးကိ လက်မှာဖြစ်စေ၊ လည်ပင်းမျာဖြစ်စေ ချည်ပြီးတော့ လှည့်လည်နေကြလိမ့်မယ်၊ အိမ်ထောင်သားမွေးလည်း ပြုကြလိမ်မ့ယ်၊ အဲသည်လို အခါမှာ သီလစင်ကြယ်တဲ့ ပုဂ္ဂိုလ်၊ သီလရှိတဲ့ပုဂ္ဂိုလ်ဆိုတာ မရှိတော့ဘူး။ အဲဒိလို အိမ်ထောင်သားမွေးပြီး လက်သင်္ကန်းစ ချည်၊ လည်ပင်းမှာ သင်္ကန်းစလေး ချိတ်ထားတဲ့ ဒီသီလမဲ့တဲ့ ဒုဿီလပုဂ္ဂိုလ်တွေကိုပဲ သံဃာအဖြစ်နဲ့ ကိုးကွယ်ရသည်အထိ သာသနာလျောကျတဲ့ အခြေအနေ ရောက်လိမ့်မယ်။ အဲဒိအခါမှာ သံဃိကဒါန လှူလိုတဲ့ သူများဟာ သင်္ကန်းစလေး ချည်ထား ချိတ်ထားတဲ့ အဲဒိ ပုဂ္ဂိုလ်တွေကိုပဲ ``သံဃာအား လှူပါ၏´´ လို့ သံဃာကို ရည်စူးပြီး အလှူဒါန ပြုကြရလိမ့်မယ်။ အဲဒီအခါမှာလဲပဲ သံဃာကို ရည်စူးပြီးလှူတဲ့ သံဃိကဒါနဟာ အတိုင်းမသိ ကြီးမားတဲ့ အကျိုးကို ပေးပေတာပဲ အနန္ဒာ´´
သံဃာအား လှူတယ်ဆိုတာ။ ။ သံဃာအား လှူပါ၏ဆိုတာ အဲဒိဒါယကာ ဒါယိကာမတွေ ရှေ့မှောက်မှာ တွေ့နေရတဲ့ အဲဒိ ဒုဿီလပုဂ္ဂိုလ်တွေကို ဆိုလိုတာ မဟုတ်ပါဘူး၊ မြတ်စွာဘုရား သက်တော်ထင်ရှားရှိစဉ်အခါ အရှင်သာရိပုတ္တရာ၊ အရှင်မဟာမေဂ္ဂလ္လာန်၊ အရှင်မဟာကဿပ တို့ကစပြီးတော့ ရှင်တော်မြတ်ဘုရားရဲ့ သာသနာတော် တစ်လျှောက်လုံး အဆက်ဆက် တည်ရှိလာတဲ့ သံဃာတော် အရှင်မြတ်များ အပေါင်းအား လှူဒါန်းပါ၏ လို့ ရည်စူးပြီးတော့ သံဃာအား လှူတာကို ဆိုလိုပါတယ်။
အဲဒီလို သာသနာတော် ဆုတ်ယုတ် ကျဆင်းသွားတဲ့အချိန်မှာ သံဃာကို ရည်စူးပြီး အဲဒီလို ဒုဿီလပုဂ္ဂိုလ်တွေကို လှူတဲ့ သံဃိကဒါနသည်ပင် ပုဂ္ဂိုလ်တစ်ပါးပါးအား လှူတဲ့ ပုဂ္ဂလိက ဒါနထက် အကျိုးကြီးမားကြောင်း မြတ်စွာဘုရား မိန့်တော်မူပါတယ်။ အဲဒိလိုလှူတဲ့ သံဃိကဒါန ဟာ ပုဂ္ဂိုလ်တစ်ပါးပါးအနေနဲ့ အရိယာတစ်ပါးပါးကို၊ ရဟန္တာတစ်ပါးပါးကို လှူတဲ့ ဒါနထက်ပိုပြီး အကျိုးကြီးမားကြောင်း အဲဒီ ဒက္ခိဏ၀ိဘင်္ဂသုတ်အဖွင့် အဌကထာ မှာ ထပ်ဆင့်ပြီး ရှင်းပြထားပါ တယ်။
ဒီတော့ ဘာကြောင့် ရဟန္တာဖြစ်တဲ့ ပုဂ္ဂိုလ်ကို ပုဂ္ဂလိကနေနဲ့ လှူဒါန်းတဲ့ ဒါနထက် တောင်မှပဲ သီလမဲ့တဲ့ ဒုဿီလပုဂ္ဂိုလ်တွေကို သံဃာအား လှူပါ၏လို့ ရည်စူးပြီးတော့ လှူတဲ့ သံဃိကဒါနက အကျိုးကြီးမားရသလဲ၊ နည်းနည်းလေး စဉ်းစားကြည့်လျှင် သိပါတယ်။
ဥပဒါန် အစွဲလေးမျိုး။ ။ မြတ်စွာဘုရားရဲ့ သာသနာတော်မှာ မြတ်စွာဘုရား ဆုံးမခဲ့တာက ကာမုပါဒါန်၊ ဒိဋ္ဌုပါဒါန်၊ သီလဗ္ဗတုပါဒါန်၊ အတ္ထ၀ါဒုပါဒါန် ခေါ်တဲ့ ဥပါဒါန် အစွဲတရားများဟာ ပုဂ္ဂိုလ်တစ်ဦးဦးကို အပါယ်လားစေတယ်။ သံသရာရှည်စေတယ်၊ အဲဒိ ဥပါဒါန်တရားတွေကို အသိမှန် အမြင်မှန်နဲ့ပတ်သက်နိုင်လျှင် အစွဲအလမ်းကင်းလို့ ဆင်းရဲငြိမ်းရာ နိဗ္ဗာန်ကို ရောက်နိုင် ကြောင်း ရှင်တော်မြတ်ဘုရားရဲ့ ဒေသနာတော်များမှာ ပါပါတယ်။
ကာမုပါဒန် ဆိုတာက ကာမဂုဏ် အာရုံတွေကို စွဲလမ်းမှုပဲ၊ အဆင်းကောင်းကောင်း၊ အသံ ကောင်းကောင်း၊ အနံ့ကောင်းကောင်း၊ အရသာကောင်းကောင်း၊ ထိတွေ့စရာ ကောင်းကောင်း တွေကို တဏှာနဲ့ သာယာတပ်မက်ပြီး စွဲလမ်းတယ်။
ဒိဋ္ဌုပါဒါန်၊ ဆိုတာကါနကြောင့် အကျိုးမရ၊ `ကံ´ ကံ၏ အကျိုးမရှိ၊ တမလွန်ဘ၀ မရှိ၊ စသည်ဖြင့် အသိအမြင်မှားပြီး စွဲလမ်းခြင်း၊
``နွားများ၊ ခွေးများရဲ့ အလေ့အကျင့် အပြုအမူအတိုင်း လေ့ကျင့်ပြုကာမျှဖြင့် ဆင်းရဲငြိမ်းတဲ့ နိဗ္ဗာန်ကို ရနိုင်တယ်။ ၀ဋ်ဆင်းရဲမှ လွတ်မြောက်နိုင်တယ်´´ စသည်ဖြင့် ယူဆတဲ့ အယူမှားကို စွဲလမ်းတော့ သီလဗ္ဗတုပါဒါန်၊
``လောကမှာ မပျက်စီးဘဲ တည်မြဲနေတဲ့ အသက်ဝိညာဉ် အတ္တ သို့မဟုတ် ပုဂ္ဂိုလ် သတ္တ၀ါဆိုတာ ရှိတယ်´´ လို့ ယူဆစွဲလမ်းလျှင်တော့ အတ္တ၀ါဒုပါဒါန်။
အဲဒိ အစွဲလေးမျိုး ကင်းမှသာလျှင် ဆင်းရဲငြိမ်းမယ်လို့ မြတ်စွာဘုရား မိန့်ကြားတော်မူခဲ့ပါတယ်။
ဥပဒါန်အားကောင်းတဲအလှူ။ ။ ဒီတော့ ပုဂ္ဂိုလ်တစ်ဦးဦးကို ရည်ရွယ်ပြီး ပုဂ္ဂလိကအနေနဲ့ လှူဒါန်းပါတယ် ဆိုကတည်းက ဒီပုဂ္ဂိုလ်ဆိုတဲ့ အစွဲ၊ ဟိုပုဂ္ဂိုလ် မဟုတ်ဘူးဆိုတဲ့ အစွဲပါနေပါပြီ၊ ဒီကတည်းက ပုဂ္ဂိုလ်ဆိုတဲ့ ရည်ညွှန်းချက်၊ သတ္တ၀ါဆိုတဲ့ ရည်ညွှန်းချက် ပါတဲ့အတွက် အတ္တ၀ါ ဒုပါဒါန် အားကောင်းနေပါတယ်။ အဒီတော့ ကြီးမားတဲ့ ဖွံ့ဖြိုးတဲ့ အကျိုးကို ပေးဖို့ မလွယ်ဘူးပေါ့။ ``သံဃာအား လှူပါ၏´´လို့ လှူဒါန်းတဲ့ အခါကျတော့ ဘယ်ပုဂ္ဂိုလ်ရယ်လို့ ပုဂ္ဂိုလ်စွဲ မရှိဘူး။ အရှင်သာရိပုတ္တရာ၊ အရှင်မဟာမေဂ္ဂလ္လာန် လို့လည်း ပုဂ္ဂိုလ်စွဲမရှိဘူး၊ ဦးတိဿ၊ ဦးဒတ္တ စည်ဖြင့်လည်း ပုဂ္ဂိုလ်စွဲ မရှိဘူး၊ ရှင်တော်မြတ်ဘုရားရဲ့ သာသနာတော်အတွင်းမှာ မဂ်ဥာဏ်၊ ဖိုလ်ဥာဏ်ရလို့ အရိယာအဖြစ် မရောက်သေးသော်လည်း အရိယာဖြစ်ရေးလမ်းပေါ်သို့ ရောက်ရှိ နေတဲ့ သမ္မုတိသံဃာတော်များ၊ အဲဒိသံဃာတော်အားလုံးအား လှူဒါန်းပါ၏ လို့ စိတ်ထဲက ရည်မှန်းလှူဒါန်းလျှင် ဘယ်ပုဂ္ဂိုလ်ရယ်လို့ ပုဂ္ဂိုလ်စွဲမရှိတော့ဘူး။
ခုနကလို ပုဂ္ဂိုလ်စွဲရှိတဲ့အခါမှာ ပုဂ္ဂိုလ်ပေါ်မှာ ကြည်ညိုသယောာင်ယောင်နဲ့ ခင်မင်နေတဲ့ တဏှာလည်း ပါတတ်သေးတယ်။ ဒီတဏှာ ပါလာတဲ့အခါကျတော့ ခုနကပြောတဲ့ အတ္တ၀ါဒုပါဒါန် တင်မဟုတ်ဘူး၊ ကာမုပါဒါန်လည်း ပါလာသေးတယ်၊ အစွဲနှစ်မျိုး ငြိနေတယ်။
ဥပါဒါန်အားသေးတဲ့အလှူ။ ။ ဒီလိုမဟုတ်ဘဲ ဘယ်ပုဂ္ဂိုလ်ရယ်လို့ သတ်မှတ်ချက်မရှိဘဲ ရှင်တော်မြတ်ဘုရား၏ သာသနာ တစ်ခုလုံးမှာရှိတဲ့ သံဃာများအား လှူဒါန်းပါ၏ လို့ သံဃဂုဏ်ကို အာရုံပြု လှူဒါန်းတဲ့ အခါကျတော့ ပုဂ္ဂိုလ်စွဲ အတ္တ၀ါဒုပါဒါန်ဟာ အနုသယဓာတ် အမြစ်မပြတ် သေးသော်လည်း ပရိယုဋ္ဌာန်အနေနဲ့ အလွန်အားသေးနေပါတယ်။
ဘယ်ပုဂ္ဂိုလ်ရယ်လို့ မရည်ညွှန်းတဲ့အတွက် မစွဲလမ်းတဲ့အတွက် ခင်မင်စရာ ပုဂ္ဂိုလ်ဆိုတာ မရှိတော့ ကာမုပါဒါန်လဲ မရှိဘူး၊ အဲဒိအစွဲနှစ်ချက် ကင်းသလောက် ကင်းတော့ ကျန်တဲ့ အစွဲနှစ်ချက်ဖြစ်တဲ့ ဒိဋ္ဌုပါဒါန်နဲ့ သီလဗ္ဗတုပါဒါန်ကလည်း ကင်းပြီးသားပါပဲ၊
ဒီတော့ သံဃာကို လှူဒါန်ခြင်းဖြင့် အစွဲလေးမျိးစလုံး လုံးဝ မကင်းသည့်တိုင်အောင် များသောအားဖြင့် ကင်းပြီး လှူဒါန်းရတာ ဖြစ်တဲ့အတွက်ဒီ ဒါနကုသိုလ်မှာ ကုသိုလ်စေတနာ အားကေင်းတယ်။ ဒါကြောင့် ကြီးမားတဲ့ အကျိုးကို ပေးတယ်။ ဒါကြောင့်လည်း မြတ်စွာဘုရားက ရဟန္တာဖြစ်တဲ့ ပုဂ္ဂိုလ်ကို ပုဂ္ဂလိက အနေနဲ့ ဆွမ်း၊ သင်္ကန်းလှူ၊ ဒါမှမဟုတ် ကျောင်းကြီးတွေ ဆောက်ပြီးလှူ၊ အဲသည်လို လှူဦးတော့ `သီလမရှိတဲ့ ပုဂ္ဂိုလ်တွေကို ပုဂ္ဂိုလ်အနေနဲ့ မဟုတ်ဘဲ သံဃာအား လှူပါ၏´လို့ရည်ညွှန်းလှူဒါန်းတဲ့ သံဃိကဒါနကပိုပြီး အကျိုးကြီးမားတယ်လို့ မိန့်ကြား တာပါပဲ။ပြီးတော့ကထိန်သင်္ကန်းမှာလည်းပဲအခုပြောခဲ့တဲ့အတိုင်း ပုဂ္ဂိုလ်ကိုလှူတဲ့ ပုဂ္ဂလိကသင်္ကန်း နဲ့ကထိန်ခင်းလို့မရ။ သံဃာအားလှူတဲ့ သံဃိကသင်္ကန်းနဲ့သာ ကထိန်ခင်းလို့ရတာဖြစ်တဲ့ အတွက် ဒါယကာဒါယိကာမတွေက ကထိန်သင်္ကန်းလှူတဲ့အခါမှာ သံဃဂုဏ်ကိုအာရုံပြုပြီး သံဃာ အားလှူရတယ်၊ သံဃာအား လှူတဲ့အခါကျတော့ ဘယ်ဘုန်းကြီးရယ်လို့ ပုဂ္ဂိုလ်စွဲ မရှိတော့ဘူး။
ဒီတော့ သံဃာအား ကထိန်သင်္ကန်း လှူဒါန်းနေတဲ့အချိန်မှာ အစွဲလေးမျိုးစလုံးဟာ ပရိယုဋ္ဌာန်အနေနဲ့ ကင်းသလောက်ကင်း နေပါတယ်။ ဒါကြောင့် ကထိန်သင်္ကန်လှူဒါန်းရတာဟာ အခြားအလှူတွေထက် သာလွန် မွန်မြတ်ပါတယ်။
ဒုတိယထူးခြားချက်
ကထိန်အလှူမှာ ထူးခြားတဲ့ ဒုတိယအချက်ကတော့ ကထိန်ခင်းတဲ့ ရဟန်းဟာ ၀ိနည်းသိက္ခါပုဒ် ၅-ခုမှ ကင်းလွတ်ခွင့်ရခြင်းပါပဲ၊ ကထိန်အာနိသင် ငါးပါးလို့ ခေါ်ပါတယ်။
ပထမအာနိသင်။ ။ အဲဒိ အာနိသင်ငါးပါးထဲက နံပါတ်တစ်အကျိုးအာနိသင်ကတော့ အနာမန္တစာရ အကျိုး ပါပဲ၊ အနာမန္တစာရ ဆိုတာ မပန်ကြားဘဲ သွားနိုင်ခြင်းကိုဆိုလိုပါတယ်။ ရဟန်းတော်များဟာ မြို့ထဲ ရွာထဲမှ တစ်အိမ်အိမ်က ဆွမ်းစားပင့်ထားတာရှိလျှင် အဲဒိအိမ်မှာ ဆွမ်းမစားမီဖြစ်စေ၊ ဆွမ်းစားပြီးဖြစ်စေ တခြားအိမ်တစ်အိမ်ကို ကိစ္စတစ်ခုခုကြောင့် သွားလိုလျှင် အခြားရဟန်း တစ်ပါးပါးကို ပန်ကြားပြီးမှ သွားရပါတယ်။ မပန်ကြားဘဲ သွားလျှင် အာပတ်သင့်စေ၊ အပြစ်ရစေလို့ မြတ်စွာဘုရား သိက္ခာပုဒ် ပညတ်ပြီး စည်းမျဉ်းဥပဒေ ချမှတ်ထားပါတယ်။ သို့သော်လည်း မကျန်းမာတဲ့အချိန်၊ သင်္ကန်းလှူဒါန်းတဲ့အချိန် သင်္ကန်းချုပ်တဲ့အချိန်များမှာတော့ မည်သူ့ကိုမျှ မပန်ကြားဘဲ သွားနိုင်တယ်လို့ ချွင်းချက်လည်း ပေးထားပါသေးတယ်။
ကထိန်ခင်းထားတဲ့ရဟန်းကတော့ ကထိန်ခင်းပြီးတဲ့အချိန်စပြီး တပေါင်းလပြည့်နေ့အထိ ဒီသိက္ခာပုဒ်မှ ကင်းလွတ်ခွင့် ရတယ်၊ ဒီသိက္ခာပုဒ်စည်းမျဉ်းဥပဒေကို သူလိုက်နာနေစရာမလိုဘူး၊ မြို့ထဲရွာထဲ သွားတဲ့အခါမှာလည်းဘယ်သူ့ကိုမှ မပန်ကြားဘဲ သွားနိုင်တယ်၊ သွားခြင်းကြောင့် အာပတ်မသင့်ဘူး၊ အဲဒိလို သိက္ခာပုဒ်ကို လိုက်နာဖို့မလိုအောင် ဘယ်သူက လုပ်ပေးလိုက်သလဲ ဆိုလျှင်တော့ ကထိန်ခင်းမှုက လုပ်ပေးလိုက်တယ်၊ အဲဒိ ကထိန်ခင်းဖို့ရာ သင်္ကန်းကို ဘယ်သူက လှူသလဲ ဆိုလျှင်တော့ ဒါယကာ ဒါယိကာမတွေက လှူလိုက်တယ်။
ဒီသင်္ကန်းနဲ့ သံဃာက ကထိန်ခင်းတယ်၊ ခင်းပြီးလျှင် ကထိန်ခင်းတဲ့ သံဃာဟာ ဒီသိက္ခာပုဒ်မှ ကင်းလွတ်ခွင့်ရသွားတယ်၊ ယင်းလွတ်ခွင့်ရပြီဆိုလျှင် သိက္ခာပုဒ် စည်းမျဉ်းဥပဒေ အချည်အတုပ်က လျော့ပေးလိုက်တယ်၊ ဒီတော့ အဲဒိ ကထိန်ခင်းရတဲ့ သံဃာဟာ မိမိပြုလုပ်စရာ ကိစ္စရှိတဲ့အခါမှာ မိမိသွားလိုရာကို လွတ်လွတ်လပ်လပ် နောက်ဆံမတင်းဘဲနဲ့ သွားနိုင် လာနိုင်ခြင်းအကျိုးကို ရတယ်။
ဒီတော့ သိက္ခာပုဒ်ကင်းလွတ်ခွင့်ကို ကထိန်သင်္ကန်းလှူတဲ့ ဒါယကာ ဒါယိကာမတွေက ပြုလုပ်ပေးရာ ရောက်တဲ့အတွက် ဒါယကာ ဒါယိကာမတွေရဲ့ သာသနာပြု ကုသိုလ်တွေပဲလို့ ဆိုနိုင်တယ်၊ ဒါကြောင့် ဒါယကာဒါယိကမများလည်းပဲ ကမ္မသရိက္ခက၀ိပါက=ကံနဲ့တူတဲံအကျိုး ကို ရနိုင်တာဖြစ်တဲ့အတွက် မိမိလိုရာ အရပ်ကို မကြောင့်မကြ သွားနိုင်ခြင်း အကျိုးရတယ်လို့ ဆိုနိုင်ပါတယ်။
ဒုတိယအာနိသင်။ ။ ဒုတိယအကျိုးကတော့ အသမာဒါနစာရအကျိုး ပါ။ ဒါကတော့ သံဃာ တော်တွေမှာ သင်းပိုင်၊ ဧကသီ၊ သင်္ကန်းကြီးဆိုတဲ့ သင်္ကန်းသုံးထည်ကို ၀တ်ရုံသုံးဆောင်ပုံ နှစ်မျိုးရှိပါတယ်။ တစ်မျိုးကတော့ ပရိက္ခာရစောဠ အဓိဋ္ဌာန်တင်ပြီးတော့ သုံးဆောင်တာ၊ ဒီအဓိဋ္ဌာန်နဲ့သုံးဆောင်တယ်ဆိုတာက ဒီသင်္ကန်း သုံးထည်ကို သာမန်သင်္ကန်းအနေနဲ့ သဘော ထားပြီး သုံးဆောင်တာပါပဲ။ ဒီလိုသုံးဆောင်လျှင် ဒီသင်္ကန်းသုံးထည်အပေါ်မှာ အထူးစောင့်ရှောက် စရာမလိုပါဘူး။
ဝိနည်း တိစီဝရိတ်နှင့် ဓုတင် တိစီဝရိတ်။ ။ နောက်တစ်မျိုးကတော့ တိစီဝရိတ် အဓိဋ္ဌာန်တင်ပြီး သုံးဆောင်တယ် ဆိုတာကဤသင်းပိုင်ကို သင်းပိုင်အဖြစ်နဲ့ စိတ်ထဲမှာ စွဲစွဲမြဲမြဲ ထားပြီးတော့ ရိုရိုသေသေ သုံးဆောင်ပါမယ်၊ ဤဧကသီကို ဧကသီအနေနဲ့ စိတ်ထဲမျာ စွဲစွဲမြဲမြဲ ထားပြီး လျှင်တော့ ရိုရိုသေသေ သုံးဆောင်ပါမယ်လို့ တစ်ထည်စီ တစ်ထည်စီ သူ့နာမည်နဲ့သူ နှုတ်ကရွတ်ဆိုပြီး အဓိဋ္ဌာန်တင် ၀ိနည်းကံ ပြုလုပ်ရတယ်။ အဲဒိလို တစ်ထည်စီ သူ့နာမည်နှင့်သူ အဓိဋ္ဌာန်တင်ပြီး ၀ိနည်းကံ ပြုလုပ်ပြီး သုံးဆောင်တာကိုပဲ ၀ိနည်းတိစီဝရိတ် ဆောင်တယ်လို့ ခေါ်တယ်။ ဓုတင်တိစီဝရိတ်နဲ့ မတူဘူး၊ ဓုတင်တိစီဝရိတ် ကတော့ သင်္ကန်းသုံးထည်ပဲ ရှိရမယ်၊ သုံးထည်ထက် ဘာမှမပိုရဘူး၊ ဘယ်သွားသွား ဘယ်လာလာ ဘယ်နေနေ ဘယ်ထိုင်ထိုင် အဲဒိသင်္ကန်းသုံးထည်ပဲ ၀တ်ရုံ သုံးဆောင်တာကို ဓုတင်တိစီဝရိတ် ခေါ်တယ်။
ယခု ၀ိနည်းတိစီဝရိတ်ကတော့ မြတ်စွာဘုရားက ကုသိုလ်တိုးပွားအောင် ပညတ်ခဲ့တာ၊ ပညတ်ခဲ့လို့ လိုက်နာပြီး ကျင့်ဆောင်နေကြတယ်၊ သို့သော် သင်္ကန်းကတော့ အပိုထားနိုင်တယ်၊ အခုပြောခဲ့တဲ့အတိုင်း သင်းပိုင်ဆိုတဲ့နာမည်၊ ဧကသီဆိုတဲ့ နာမည်၊ ဒုကုဋ်သင်္ကန်းကြီးဆိုတဲ့ နာမည်နဲ့ အသီးသီ တစ်ထည်စီ အဓိဋ္ဌာန်တင်ထးတဲ့ သင်္ကန်းအစုံပေါင်း နှစ်ဆယ်လဲ ထားနိုင် တယ်၊ သုံးလေးငါးဆယ် လိုသလောက်လည်း ထားနိုင်တယ်၊ သို့သော်လည်း ဒီသင်္ကန်း သုံးထည် ကိုတော့ သူ့နာမည်နဲ့သူ စိတ်ထဲမှာ စွဲစွဲမြဲမြဲထားပြီးရိုရိုသေသေ သုံးဆောင်ပါ့မယ် ဆိုတဲ့သဘောနဲ့ ၀ိနည်းတိစီဝရိတ် အဓိဋ္ဌာန်တင်ထားတော့ သူ့ကို အထူးစောင့်ရှောက်ရတယ်။
ဝိနည်းတိစီဝရိတ် စောင့်ရှောက်ပုံ။ ။ အထူးစောင့်ရှောက်ရပုံကတော့ ရဟန်းတော်ဟာ တိစီဝရိတ်အနေနဲ့ အဓိဋ္ဌာန်တင်ထားလျှင် အဲဒိသင်္ကန်းသုံးထည်ထဲက ဘယ်သင်္ကန်းနဲ့မှ အာရုဏ် တက်တဲ့အခါမှာ မိမိနဲ့ နှစ်တောင့်ထွာထက် ကွာဝေးပြီးမနေရပါဘူး။ သင်္ကန်းဟာ မိမိရဲ့ နှစ်တောင့်ထွာအတွင်းမှာ ရှိနေရမယ်၊ ကိုယ်မှာဝတ်လျှင်လည်း ၀တ်ထား၊ မ၀တ်ထားလျှင်လည်း အာရုဏ်တက်ျိန်မှာ သုံးထည်လုံးဟာ မိမိရဲ့ နှစ်တောင့်ထွာ အတွင်းမှာ ရှိစေရမယ်။ မိမိအနီး နှစ်တောင့်ထွာအတွင်းမှ မရှိနေလျှင် အာပတ်သင့်တယ်။
ကထိန်ခင်းတဲ့ ရဟန်းမှာတေ့ အဲဒိသင်္ကန်းသုံးထည်ကို သင်းပိုင်မှတ်မှတ်၊ ဧကသီမှတ်မှတ်၊ ဒုကုဋ်သင်္ကန်းကြီး မှတ်မှတ် စိတ်ထဲမှာ ရိုရိုသေသေ သုံးဆောင်ပါ့မယ်လို့ တိစီဝရိတ် အဓိဋ္ဌာန် တင်ထားသော်လည်း သူဟာ ကထိန်ခင်းထားတာဖြစ်တဲ့ အတွက် အရုဏ်တက်တဲ့အခါ ဒီသင်္ကန်း သုံးထည်နှင့် နှစ်တောင့်ထွာမကဘူး၊ လေးငါးတောင်ကွာဝေးပြီးတော့ နေလို့ရတယ်၊ ဟိုကျောင်း ဒီကျောင်း တစ်ကျောင်းစီထားပြီးအိပ်လို့လည်းရတယ် နေလို့လည်းရတယ်။ ရဟန်းတော်က မန္တလေးမှာနေပြီး သင်္ကန်းကိုရန်ကုန်မှာ ထားလိုလည်း ထားနိုင်တယ် အာပတ်မသင့်ပါဘူး။ သီတင်းကျွတ်လပြည့်ကျော်(၁) ရက်နေ့မှ တပေါင်းလပြည့်နေ့အထိ ငါးလအတွင်းပဲ၊ အဲဒိငါးလ အတွင်းမှာတော့ ဒီရဟန်းတော်ဟာ ဒီသိက္ခာပုဒ်မှ ကင်းလွတ်ခွင့် ရတယ်။ ဒါကြောင့် သူဟာ တိစီဝရိတ်အဓိဋ္ဌာန်တင်ထားတဲ့ သင်္ကန်းကို သွားလေရာရာမှာ ဆောင်သွားစရာမလိုဘဲ လွတ်လွတ် လပ်လပ်သွားနိုင်တဲ့ အကျိုးရတယ်။
အဲဒိဝိနည်းစည်းမျဉ်းဥပဒေမှ ငါးလအတွင်း ကင်းလွတ်ခွင့်ပေးတာလည်းပဲ ကထိန် လှူဒါန်းခြင်း၊ ကထိန်ခင်းခြင်းက ပေးလိုက်တာဖြစ်တဲ့အတွက် ကထိန်သင်္ကန်လှူဒါန်းလိုက်တဲ့ ဒါကာ ဒါကာမတွေရဲ့ သာသနာပြုကုသိုလ်ပဲ။ ဒါကြောင့်ကထိန်ဒါယက ဒါယိကာမများ ဘယ်ကိုပဲ သွားသွား၊ ပေါ့ပေါ့ပါးပါး ချမ်းချမ်း သာသာ သွားရခြင်း အကျိုးကို ရနိုင်တယ်လို ဆိုရမှာပါပဲ။၏
ကထိန်ခွင့်ပြုခြင်း၏ အကြောင်းအရင်း။ ။ မြတ်စွာဘုရား ကထိန်ကို ခွင့်ပြုတော်မူတာဟာ အသမာဒါနစာရ ခေါ်တဲ့ ဒုတိယ အာနိသင်ကို ပဓာနအားဖြင့် ရည်ရွယ်တော်မူပြီး ခွင့်ပြုတော် မူတယ်လုိ့ ဆိုလျှင်လည်း မမှားပါဘူး၊
အကြောင်းက ဒီလိုပါ။ ရှင်တော်မြတ်ဘုရား ဇေတ၀န်ကျောင်းတော်တွင် သီတင်းသုံး တော်မူနေစဉ်ဘဒ္ဒ၀ဂ္ဂီ ညီနောင်သုံးကျိတ်လို့ အများသိကြတဲ့ ဓုတင်ဆောင် ရဟန်တော်များဟာ မြတ်စွာဘုရားကို ဖူးမြော်ဖို့ရာ သာဝတ္တိပြည်ကို ကြွတော်မူကြပါတယ်။ ၀ါဆိုခါနီးမှ ကြွကြတာဖြစ်လို့ သာဝတ္တိကို ၀ါမဆိုမီ မရောက်တာနိုင်နဲ့ သာဝတ္တိနဲ့ ခုနစ်ယူဇနာဝေးတဲ့ သာကေတမြို့မှာ ၀ါဆိုကြရ ပါတယ်။
ရဟန်းတော်များဟာ မိမိတို့နဲ့မနီးမဝေးမှာ ရှင်တော်မြတ်ဘုရား သီတင်းသုံးလျက်ရှိတာကို သိပါလျက် ၀ါတွင်းကြီးမို့ သွားရောက် ဖူးမြော်မှု မပြုနိုင်တာကို စိတ်ထဲမှာ မချင့်မရဲဖြစ်ရင်းနဲ့ ၀ါတွင်းကာလကို ကုန်လွန်စေကြရတယ်။ ၀ါကျွတ်တော့ သီတင်းကျွတ်လပြည့်နေ့မှာ ပ၀ါရဏာ ပြုပြီးပြီးချင်းပဲ သာဝတ္တိကို ကြွတော်မူကြတယ်။ သို့သော်လည်း လမ်းမှာ မိုးကြီး သည်းထန်စွာ ရွာချလို့ မိုးမိကြတဲ့အတွက် ပင်ပန်းဆင်းရဲစွာနဲ့ ကြွတော်မူကြရတယ်။
မိုးတွေက တအုန်းအုန်းရွာချ၊ ရေတွေကလည်းကြီး၊ ဗွက်ကြီးတွေထဲမှာ ဒူးထိမလောက် ကျွံကြ နစ်ကြ၊ ဒီအထဲမှာ ဖျင်သင်္ကန်း ထူထူကြီးတွေလည်း လေးလွန်းလှတော့ ခရီးမတွင်ရုံ မျှမကဘဲ အင်မတန် ပင်ပန်းကြတယ်။ သင်္ကန်းက ခါးဝတ်သင်းပိုင်နဲ့ ကိုယ်ရုံဧကသီ လောက်သာ ဆိုလျှင် သိပ်မလေးလှပါဘူး။ အခုတော့ နှစ်ထပ်သင်္ကန်းကြီးပါ ဆောင်ကြရတာဖြစ်လို့ ဖျင်သား နှစ်ထပ်ကြားမှာ ရေတွေဝင်နေပြီး သင်္ကန်းကြီတစ်ထည်လုံးဟာ ရေအိပ်ကြီးလို ဖြစ်နေတော့ တကယ့် ၀န်ထုပ်ဝန်ပိုကြီး ဖြစ်နေတယ်။
ဒီသင်္ကန်းကြီးကို လမ်းခရီးမှာ ရွာတစ်ရွာရွာ ကျောင်းတစ်ကျောင်းကျောင်းမှာ ထားခဲ့ပြီး ခရီးဆက်ရလျှင် ၀န်ပေါ့သွားနိုင်ပါတယ်၊ ဒါပေမယ့် ထားခဲ့လို့ကလဲ မဖြစ်ဘူး၊ ဘာကြောင့်လဲ ဆိုတော့ `တိစီဝရိတ် အဓိဋ္ဌာန် တင်ထာတဲ့ သင်္ကန်းသုံးထည်နဲ့ အရုဏ်တက်ချိန်မှာ ကင်းကွာ မနေရဘူး´ လို့ ပညတ်တော်မူထားတဲ့ အသမာဒါနစာရ သိက္ခာပုဒ်တော် က ရှိနေပါတယ်။ ဒါကြောင့် မထားနိုင်ခဲ့ကြဘဲ ဒီသင်္ကန်း ရေအိတ်ကြီးကို တပင်တပန်း သယ်ဆောင်ယင်းနဲ့ပဲ သာဝတ္တိကို ရောက်လာကြတယ်။
ကထိန်ခွင့်ပြုတော်မူခြင်း။ ။သာဝတ္တိရောက်လို့ ရှင်တော်မြတ်ဘရားက မေးမြန်းတော်မူုတော့ လမ်းခရီးမှာ ဖြစ်ပျက်ပုံအကြောင်းစုံကို လျှောက်ထားကြတယ်။ ဒီတော့မှ မြတ်စွာဘုရားက ``အကယ်၍သာ ကထိန် ကိုများ ခွင့်ပြုပညတ်ထားခဲ့လျှင် ဒီတပည့်ရဟန်းတွေဟာ နှစ်ထပ်သင်္ကန်း ကြီးထားခဲ့ပြီး သင်းပိုင် ဧကသီမျှနှင့် လာခဲ့ကြလိမ့်မည်၊ သိူု့ဖြစ်လျှင် ယခုလို ပင်ပန်းခဲ့ကြရမည် မဟုတ်ကြပေ၊ ကထိန်ဆိုသည်မှာလည်း ရှေးရှေးသော ဘုရားရှင်တို့ ခွင့်ပြု ပညတ်မြဲ အရာသာ ဖြစ်ပေသည်။´ဟု ဆင်ခြင်တော်မူမိတာနှင့် `တပည့်တို့ (ပုရိမ) ၀ါကျွတ်ကြတဲ့ရဟန်းများကိုကထိန် ခင်းဖို့ ခွင့်ပြုတော်မူတယ်´ လို့ မိန့်တော်မူပြီး ကထိန်ကို စတင် ခွင့်ပြုတော်မူပါတယ်။
ပြီးတော့မှပဲ တဆက်တည်း ကထိန်ခင်းတဲ့ ရဟန်းများဟာ (၁) မပန်ကြားဘဲ မြို့ထဲရွာထဲ သွားနိုင်ခြင်း၊(၂) တိစီဝရိတ် အဓိဋ္ဌာန်တင်ထားတဲ့ သင်္ကန်းနှင့် ကင်းကွာ၍နေနိုင်ခြင်း၊ (၃) ဂိုဏ်း ဘောဇဉ်ကို စားနိုင်ခြင်း၊ (၄) အဓိဋ္ဌာန်မတင် ၀ိကပ္ပနာမပြုဘဲ သင်္ကန်းကို ထားနိုင်ခြင်း၊ (၅) ကထိန် ခင်းတဲ့ကျောင်းမှာ သံဃိကသင်္ကန်း ဖြစ်ပေါ်လျှင် ထိုကျောင်းမှာ ကထိန်ခင်းတဲ့ ရဟန်းများ သာလျှင် ရပိုင်ခွင့်ရှိခြင်းဆိုတဲ့ အကျိုးငါးပါးကို ရရှိခံစားစေလို့ ကထိန်အာနိသင်ငါးပါးကို သတ်မှတ် မိန့်ကြားတော်မူ ပါတယ်။ ယခုပြောတဲ့ အဖြစ်အပျက်ကို ကြည့်လျင် ကထိန်ခွင့်ပြု တော်မူတာဟာ ပဓာနအားဖြင့် အသမာဒါနစာရ ခေါ်တဲ့ ဒီ ဒုတိယ အာနိသင်အတွက်ပဲ လို့ ဆိုရမှာပါပဲ။
တတိယ အာနိသင်။ ။ တတိယအကျိုးက ဂဏဘောဇန= ဂိုဏ်းဘောဇဉ် ကိုစားခြင်း၊ ဂဏဘော ဇနဆိုတာ လူတွေက ဆွမ်းဘုဉ်းပေးဖို့ရန် ပင့်ဖိတ်တဲ့အခါမှာ သာသနာသုံးဝေါဟာရ စကားနဲ့ မပင့်ဘဲ လူသုံးစကားနဲ့ပင့်တယ်ဆိုပါစို့။ ``အရှင်ဘုရား တပည့်တော်အိမ် ထမင်းစား ကြွပါဘုရား၊ ထမင်းဘုဉ်းပေးကြွပါဘုရား၊ တပည့်တော်အိမ် မုန့်စားကြွပါဘုရား´´စသည်ဖြင့် သာသနာသုံး ဝေါဟာရနဲ့ မဟုတ်ဘဲ လူသုံးဝေါဟာရနဲ့ပင့်တယ်၊ ပင့်ရမှာက `တပည့်တော်များ အိမ် ဆွမ်းဘုဉ်းပေးကြွတော်မူပါ ဘုရား၊ မုန့်ဆွမ်းဘုဉ်းပေး ကြွတော်မူပါဘုရား´ စသည်ဖြင့် သာသာသုံး ဝေါဟာရနဲ့ ပင့်ရမယ်။
ဒါကို သာသနာသုံး ဝေါဟာရနဲ့မပင့်ဘဲ `ထမင်းစားကြွပါ၊ ထမင်းဘုဉ်းပေးကြွပါဘုရား´လို့ ပင့်နည်းမျိုးနဲ့ ပင့်ထားတဲ့ဆွမ်းကို တစ်ပါးနှစ်ပါးသုံးပါးအထိတော့တစ်ပြိုင်နက် သွား ဘုဉ်းပေးလျှင် ဘုဉ်းပေးကောင်းပါတယ်၊လေးငါးပါးထက်ပိုလွန် တဲ့ရဟန်းတော်တွေတော့ အဲဒိဆွမ်းကိုတပြိုင်နက် တည်း အတူတူသွားပြီးတော့ ဘုဉ်းမပေးကောင်းပါဘူး၊ တခြားစီတော့ ဘုဉ်းပေးနိုင်တယ်၊ အဲဒိလို ဆွမ်းကို တပြိုင်နက်တည်းသွားပြီး အတူတကွ ဘုဉ်းပေးလျှင် အာပတ်သင့်စေလို့ မြတ်စွာဘုရား ပညတ်တော်မူ ထားတယ်။ ``ဂဏဘောဇေ ပါစိတ္တိယံ´´ လို့ ပညတ်တော်မူခဲ့တယ်။
ကထိန်ခင်းတဲ့ရဟန်းဟာ အဲဒိ သိက္ခာပုဒ်မှလည်း ကင်းလွတ်ခွင့်ရတယ်။ ငါးလအတွင်းပေါ့၊ သီတင်းကျွတ်လပြည့်ကျော်(၁)ရက် နေ့မှ တပေါင်းလပြည့်နေ့အထိ ငါးလအတွင်းမှာ ဒီရဟန်းဟာ ဒီဝိနည်းစည်းမျဉ်းဥပဒေကြောင့် အပြစ်မသင့်တော့ဘူး၊ မအပ်မရာ လူသုံးဝေါဟာရနဲ့ပင့်တဲ့ဆွမ်းကို လေးပါးငါးပါးသာမက ခြောက်ပါးပင့်လျှင်လည်း တပြိုင်နက်ထည်း အတူတကွ ဘုဉ်းပေးလို့ရတယ်။ ဒါလဲ ဒကာ ဒါယိကာမတွေ လှူဒါန်းတဲ့ ကထိန်သင်္ကန်းနဲ့ ကထိန်ခင်းလို့ ရတဲ့အကျိုးပဲ။ ဒါကြောင့် ကထိန်ဒါယကာ ဒါယိကာမတွေဟာ အစားအသောက်ကြောင့် ဘေးဥပါဒ် အန္တရာယ်မဖြစ်ခြင်းအကျိုးကိုရနိုင်တယ်လိှု့ဆိုနိုင်ပါတယ်။
စတုတ္ထအာနိသင်။ ။ ဒီအာနိသင်ကတော့ ယာဝဒတ္ထစီဝရတဲ့ ရဟန်းတော်များမှာ တစ်နည်းနည်းနဲ သင်္ကန်း ၉-ထည်ထဲက တစ်ထည်ထည်ရလာလျှင် အဲဒိသင်္ကန်းတွေကို လက်ထဲတွင် ၁၀ ရက် မပြည့်မီ အဓိဋ္ဌာန်တင်ခြင်း ၀ိကပ္ပနာပြုခြင်း ဆိုတဲ့ ၀ိနည်းကံ တစ်ခုခု လုပ်ထားရတယ်၊ သင်္ကန်း မှတ်မှတ် ရိုရိုသေသေ သိမ်းဆည်းပြီး ရိုရိုသေသေ ၀တ်အောင် ရုံအောင်ပေ့ါ၊ ရလာတဲ့ သင်္ကန်းကို ၁၀ ရက်ကျော်လွန်သွားသည်အထိ အဓိဋ္ဌာန်လည်းမတင်၊ ၀ိကပ္ပနာလဲ မပြုဖြစ်ဘူး ဆိုလျှင် အဲဒိသင်္ကန်းကို ရဟန်း မသုံးဆောင်ကောင်းတော့ဘူး၊ ဒီသင်္ကန်း စွန့်ုထိုက်သွားပြီ၊ အဲဒိအာပတ် ကိုလည်း ဒေသနာကြားရမယ်။
ကထိန်ခင်းတဲ့ ရဟန်းကတော့ အဲဒိသိက္ခာပုဒ်မှလဲ ကင်းလွတ်ခွင့်ရတယ်။ ဒါကြောင့် ကထိန်ခင်းတဲ့ ရဟန်းဟာ တစ်နည်းနည်းနဲ့ သင်္ကန်းရလာလျှင် ဘယ်နှစ်စုံပဲရရ သီတင်းကျွတ် လပြည့်ကျော် ၁ ရက်နေ့ကစပြီး တပေါင်းလပြည့်နေ့အထိ ငါးလအတွင်းမှာ တော့ အဓိဋ္ဌာန်မတင် ဘဲလည်း ထားနိုင်တယ်၊ ၀ိကပ္ပနာ မပြုပဲလဲ ထားနိုင်တယ်၊ (တပေါင်းလပြည့်ကျော်လျှင်တော့ ကထိန်အာနိသင်ရတဲ့ အချိန်ကာလ အပိုင်းအခြား ကုန်သွားပြီဖြစ်လို့ အဓိဋ္ဌာန်လျှင်လည်းတင်၊ ၀ိကပ္ပနာပြုလျှင်လည်း ပြုရမည်)
ဒီလို ထားနိုင်ခြင်းဟာလည်း ကထိန်ခင်းခြင်းကြောင့် ရတဲ့အကျိုးအာနိသင်ပါပဲ၊ ဒါကြောင့် ကထိန်ဒါယကာ ဒါယိကာမများမှာ လည်းမိမိတို့ ပစ္စည်းများကို ရန်သူမျိုးငါးပါး မဖျက်ဆီးအောင် စောင့်ရှောက်ထိန်းသိမ်းနိုင်ခြင်း အကျိုးကို ရနိုင်တယ်လို့ မှတ်ယူသင့်ပါတယ်။
ပဉ္စမ အာနိသင်။ ။ နောက်ဆုံး ပဉ္စမအာနိသင်ကတော့ “ယောစ တတ္ထစီဝရုပ္ပါဒ” ပါ.. အဲဒါကတော့ ကျောင်းတစ်ကျောင်းမှာ “သံဃိက သင်္ကန်းပါ ဘုရား၊ သံဃာအား လှူပါ၏” လို့ ဆိုပြီး သင်္ကန်းလှူသည်ဖြစ်စေ၊ တခြားပစ္စည်းလှူသည်ဖြစ်စေ အဲဒိသင်္ကန်း၊ အဲဒိပစ္စည်းကို ဒီကျောင်းမှာ မျက်မှောက်ရှိနေတဲ့ သံဃာကို ခွဲဝေပေးရတယ်။ အဲဒိ သင်္ကန်းလှူတဲ့အချိန်မှာ သံဃာ ၂၀ ပါးရှိလျှင် ၂၀ လုံး၊ ၄၀ ရှိလျှင် ၄၀ လုံး ဝေပေးရတယ်။ ဝေလို့ မလောက်လျှင် မဲ ချတန်ချ၊ ဒါမှမဟုတ် သံဃာ သဘောတူညီချက်ယူပြီးတော့ သံဃာအား ကျေးဇူးများတဲ့ပုဂ္ဂိုလ်ကို လှူလျှင် လှူ အဲသည်လို လုပ်လို့ရတယ်။
သို့သော်လည်း ကထိန်ခင်းတဲ့ လကစပြီး တပေါင်းလပြည့်အထိ ငါးလတာအချိန်အတွင်းမှာ ဒါယကာတစ်ယောက်ယောက်က လာပြီး “သံဃာအားလှူပါ၏ ဘုရား” လို့ သင်္ကန်းတစ်စုံ လာလှူလျှင် အဲဒိသင်္ကန်းဟာ ဒီကျောင်းတိုက်မှာ ပုရိမ၀ါကျွတ်လို့ ကထိန်ခင်းတဲ့ သံဃာများ နဲ့သာ သက်ဆိုင်တယ်။ နောက်မှ ဒီကျောင်းကိုရောက်လာပြီး ဒီကျောင်းမှာ ကထိန်အာနိသင် မရတဲ့ သံဃာတွေနဲ့ မသက်ဆိုင်ပါဘူး၊ ဒီကျောင်းမှာ ပုရိမ၀ါ ကပ်သော်လည်း ၀ါကျိုး ၀ါပြတ်လို့ ကထိန်အာနိသင် မရတဲ့ရဟန်း၊ ၀ါမကျိုး ၀ါမပြတ်သော်လည်း ကထိန်ခင်းစဉ်မှာ ၀ိနည်းတော်နှင့် အညီ အနုမောဒနာမပြုလို့ ကထိန်အာနိသင်မရတဲ့ ရဟန်းများနဲ့လည်း မသက်ဆိုင်ပါဘူး။ ဒီသင်္ကန်းကို အဲဒီရဟန်းတွေကို ဝေပေးဖို့ မလိုပါဘူး။ ကျောင်းတိုက်မှာ ၀ါကျွတ်ပြီးတော့ ကထိန် ခင်းထားတဲ့ သံဃာတွေနဲ့သာ သက်ဆိုင်လို့ အဲဒိသံဃာများသာ ပိုင်တာဖြစ်တဲ့အတွက် အဲဒိ သံဃာများသာ ခွဲဝေပြီး သုံးဆောင်ရတယ်။ ကထိန်အာနိသင်မရတဲ့ သံဃာဟာ တစ်ရာ ဖြစ်ပါစေ၊ တစ်ထောင်ဖြစ်ပါစေ သူတို့နဲ့ အဲဒိသင်္ကန်း မသက်ဆိုင်ဘူး၊ သူတို့ကို မဝေဘဲလဲ ကထိန်ခင်းတဲ့ သံဃာများက သုံးဆောင်နိုင်တယ်။ ဒါလည်းပဲ ကင်းလွတ်ခွင့် တစ်ခုပဲ။ ကထိန်ခင်းခြင်းကြောင့် ရတဲ့ အကျိုးအာနိသင်တစ်ခုပဲ။ ဒါကြောင့် ကထိန်ဒါယကာ ဒါယိကာမ များမှာလဲ အ၀တ်အထည် ပေါများခြင်း အကျိုးကို ရနိုင်တယ်လို့ မှတ်ယူသင့်ပါတယ်။
ဝိနည်းတော်ကို လျော့ပေးတဲ့ ဒါန။ ။ အဲဒိဝိနည်းစည်းမျဉ်း ဥပဒေအချို့မှ ကင်းလွတ်ခွင့် ရအောင် လုပ်ပေးနိုင်တဲ့ ဒါနကုသိုလ်ဟာ ဒီ ကထိန်ဒါနကုသိုလ် တစ်ခုပဲ ရှိတယ်။ တခြား ဒါနကုသိုလ်တွေ ဘယ်ဒါနကုသိုလ်မှ မတတ်နိုင်ဘူး။ တခြား ဒါနကုသိုလ်တွေ ဘယ်ဒါနကုသိုလ်မှ မတတ်နိုင်ဘူး အင်မတန်ကြီးမားတဲ့ ကျောင်းကြီး ၁၀ ကျောင်းဆောက်ပြီးတော့ သံဃာကို လှူ၊ သံဃိကဒါနတော့ ဖြစ်တယ်၊ ကြီးမားတဲ့အကျိုးတော့ ပေးပါတယ်။ သို့သော် အဲဒိကျောင် ၁၀ ကျောင်းလှူတဲ့ ဒါနက ယခု ကထိန်သင်္ကန်းလှူတဲ့ ဒါနလို့ ၀ိနည်းသိက္ခာပုဒ်တွေမှ ကင်းလွတ်ခွင့် ရအောင် လုပ်မပေး နိုင်ဘူး၊ ဒါကြောင့်လဲ ဒီကထိန်သင်္ကန်း လှူဒါန်းတဲ့ ဒါနဟာ အခြား ဒါနတွေထက်ပိုပြီးတော့ ထူးခြားတယ်လို့ ဆိုရပါတယ်။ ဒီလို ထူးခြားတဲ့အတွက် ဒါယကာ ဒါယိကာမတွေရဲ့ စေတနာက လည်း ပိုထက်သန် အားကောင်းတယ်။ စေတနာပိုပြီး ထက်သန်အား ကောင်းတဲ့အတွက်ပဲ ဒီကထိန်သင်္ကန်း လှူဒါန်းရတဲ့ ဒါနကုသိုလ်ဟာ ပိုပြီးတော့ ကြီးမားတဲ့ အကျိုးကိုပေးပါတယ်။ ဒါဟာ အင်မတန် သဘာဝကျတယ်။ အကြောင်းနဲ့အကျိုး အင်အား ညီမျှတယ်။ အကြောင်းစိတ်ထား၊ စေတနာအားက ထက်သန်အားကောင်းနေတော့ သူ့ကြောင့် ဖြစ်ပေးတဲ့ အကျိုးလဲ ကြီးမားရတယ်၊ ဒါ အင်မတန် သဘာဝကျပါတယ်။
အခြားအကြောင်းတစ်ခု။ ။ နောက်ပြီးတော့ ဒီကထိန်သင်္ကန်း လှူဒါန်းတဲ့ ဒါနကုသိုလ်ဟာ အခြား ကုသိုလ်တွေထက်သာလွန် ပြီးတော့ အကျိုးကြီးမားရာမှာ အခြားအကြောင်းတစ်ခုကတော့ ကထိန် သင်္ကန်းဟာ အခြားအခြား သင်္ကန်းတွေလို လှူလိုတဲ့ အချိန်မှာ လှူလို့ရတာမဟုတ်ဘူး၊ အခြား အခြား သင်္ကန်းတွေဆိုလျှင် ဘယ်အချိန်လှူလှူ၊ ဒီနေ့တစ်စုံ၊ နောက်တစ်နေ့လဲလှူ၊ နောက်ထပ် လည်း တစ်စုံလှူ နွေလဲတစ်စုံလှူ၊ မိုးရော ဆောင်းပါ တစ်စုံစီလှူ လှူချင်တဲ့အချိန်မှာ လှူချင်သလို လှူချင်သလောက်လှူ လှူလို့ရတယ်၊ အဲဒိကုသိုလ်ဟာ သာမာန်သင်္ကန်းလှူတဲ့ ကုသိုလ်ပဲ၊သာမာန် ပစ္စည်းလေးပါး လှူဒါန်းတဲ့ ကုသိုလ်က အချိန်မရွေး လှူလို့ရတယ်။ ဒီကထိန်သင်္ကန်း လှူဒါန်းတဲ့ ဒါနကုသိုလ်ကတော့ သီတင်းကျွတ်လပြည့်ကျော် ၁ ရက်နေ့ကစပြီး တန်ဆောင်မုန်း လပြည့်နေ့ အထိတစ်လအတွင်းမှာသာ လှူဒါန်းလို့ရတယ်။ အဲဒိလိုလှူဒါန်းရာမှာလဲ ကျောင်းတိုက် တစ်တိုက် မှာ ကထိန်ိခင်းဖို့ဆိုလျှင် တစ်ကြိမ်သာ လှူဒါန်းရတယ်။ နှစ်ကြိမ် မလှူဒါန်းရဘူး၊ ဒီတော့ လှူဒါန်း ခွင့်ရတဲ့ အချိန်ကာလ အပိုင်းအခြားကလည်း တိုတောင်း၊ အကြိမ်ကလဲ တစ်ကြိမ်တည်းသာ ဖြစ်တော့ ကထ်ိန်သင်္ကန်းလှူဒါန်းဖို့ရာ အလှူဒါယကာများရဲ့ စိတ်ထဲမှာလဲ ကြာမြင့်စွာသော အချိန် ကစပြီးတော့ အာရုံစိုက်လာခဲ့ကြတယ်၊ ပြင်ဆင်လာ ခဲ့ကြတယ်။ အဲဒိလို အာရုံစိုက် ပြင်ဆင်ခဲ့တဲ့ အချိန်ကစပြီး သံဃိက ဒါန စေတနာတွေဟာ ကထိန် ဒါယကာတွေရဲ့ သန္တာန်မှာ အင်အားကြီး မားစွာနဲ့ ဖြစ်ထွန်းလာခဲ့တယ်။ ဖြစ်ပေါ်လာခဲ့တယ်။ ကထိန်သင်္ကန်းမလှူဒါန်းမီ သုံးလေးလ လောက်ကစပြီးတော့ ကထိန်သင်္ကန်း လှူဒါန်းဖို့ကြောင့်ကြ စိုက်ကြတယ်၊ စုဝေးကြတယ်၊ စိုင်းပြင်း ကြတယ်၊ တိုင်ပင်ကြတယ်၊ ဆွေးနွေးကြတယ်၊ အဲဒိအချိန်တွေမှာ ဒါနစေတနာတွေ အင်အား ကောင်းနဲ့ ဖြစ်ပွားနေကြတယ်။ ကထိန်သင်္ကန်းအတွက် ပုဗ္ဗစေတနာတွေ ဖြစ်ဖို့ရာ အချိန်တွေ အကြာကြီး ရခဲ့တယ်၊ အဲဒိပုဗ္ဗစေတနာတွေ ဖြစ်ခွင့်ရတဲ့ သုံးလေးလအတွင်းမှာ ကထိန်သင်္ကန်း လှူဒါန်းရေးအတွက် အမျိုးမျိုးအဖုံဖုံ နှိုးဆော်သြ စည်းဝေး လုပ်ဆောင်ကြတော့ အဲဒိပြုလုပ်တဲ့ ကာယကံတိုင်း ၀စီကံတိုင်းမှာ ဒါနစေတနာတွေ အပြည့်ပါနေ ခဲ့တယ်၊ ဒီတော့ ပုဗ္ဗစေတနာ တွေဟာ သိပ်အားကောင်းနေတယ်၊ တစ်နှစ်မှ တစ်ကြိမ် လှူရတာ ဖြစ်လို့ အာရုံစိုက်ထားကြတော့ စေတနာတွေ အထူးအားကောင်းနေတယ်။
စေတနာအားကောင်းလို့ အကျိုးကြီးမား။ ။စေတနာအားကောင်းလျှင် အကြောင်းစေတနာအား ကောင်းတဲ့အလျောက် အကျိုးကြီးမား တယ်ဆိုတာကတော့ ပြောစရာမလိုဘူး။ မြတ်စွာဘုရား မိန့်ကြားတာက “စေတနာကို ကံလို့ ငါဆိုတယ်” လို့ မိန့်တော်မူထားတယ်။ စေတနာဟာ အကျိုး တစ်စုံတရာကို ဖြစ်ပေါ်စေတဲ့ အကြောင်းတရားပဲ၊ ကံဆိုတာ အလုပ်၊ အလုပ်ဆိုတာလဲ ဒီနေရာမှာ အကြောင်းတရားပဲ။ အဲဒိ စိတ်ထဲမှာ ဖြစ်ပေါ်နေတဲ့ စေတနာ ရှိနေပြီဆိုလျှင် အဲဒိ စေတနာနဲ့အတူ နှုတ်ကလဲ ပြောဆိုလာတယ်။ စေတနာနဲ့ အတူ ကိုယ်ကလည်း ပြုလုပ် လာတယ်။ အဲဒိလို ပြုလုပ်မှု ပြောဆိုမှုတွေ့ရဲ့ အကြောင်းရင်းခံဖြစ်တဲ့ စေတနာဟာ အကြောင်းတရားအနေနဲ့ ပါဝင်တော့ ဒီအကြောင်းကြောင့် အကျိုးဖြစ်ပေါ်တယ်။ စေတနာက အင်အားကြီးမားလျှင် ကြီးမားသလောက် ကြီးမားတဲ့အကျိုးရတယ်၊ အခုပြောပြခဲ့တဲ့ အတိုင်း ကထိန်သင်္ကန်း လှူဒါန်းနိုင် တဲ့ အချိန်ကာလဟာ တစ်လတည်းသာ ဖြစ်တော့ ဒီတစ်လလေးအတွင်းမှာ ကထိန်အလှူ လှူဖြစ် အောင်ဆိုပြီး အထူးအာရုံစိုက် လုံးပမ်းကြတော့ ဒါနစေတနာတွေက အထူးအားကောင်းနေတဲ့ အတွက်ပဲ ဒီကထိန်အလှူဟာ ကြီးမားတဲ့အကျိုး ပေးနိုင်တယ်ဆိုတာဟာ အလွန်သဘာဝ ကျပါတယ်။
ဆင့်ပွားအကျိုး။ ။ အရှေ့မှာ ရှင်းပြခဲ့တဲ့ အကျိုး (ထူးခြားချက်) နှစ်ချက်ကို ပို၍နားလည် သဘောပေါက်လောက်အောင် အကျဉ်းချုံး ပြန်ရှင်းပြရမည် ဆိုလျှင် (၁) သံဃာအား လှူဒါန်းရတာ ဖြစ်တဲ့အတွက် ထူးခြားတယ်၊ (၂) ၀ိနည်းသိက္ခာပုဒ် အချို့ကို ကင်းလွတ်ခွင့် ရစေတဲ့အတွက် ထူးခြားတယ်။ ဒီအချက်နှစ်ချက်ကနေ ဆင့်ပွားအဖြစ်ဖြင့် ထူးခြားတဲ့အချက်တစ်ခု ဖြစ်ပေါ်လာ တယ်။ အဲဒါကတော့ သံဃာအား လှူဒါန်းရတာ ဖြစ်တဲ့အတွက် ပုဂ္ဂိုလ် အစွဲလမ်းမရှိလို့ ဒါန စေတနာ ပိုအားကောင်းလာတယ်၊ သန့်ရှင်းလာတယ်၊ စင်ကြယ်လာတယ်၊ ပြီးတော့ ရဟန်းတော် များရဲ့ ၀ိနည်းသိက္ခာပုဒ် ကင်းလွတ်ခွင့်ရစေတယ်လို့ သဘောပေါက်တော့ “သြော် သံဃာတော် အရှင်မြတ်များ တင်းတင်းကျပ်ကျပ် နေကြရတာ ဒီကထိန် ခင်းလိုက်တဲ့အတွက် ကထိန် အာနိသင် ရလို့မို့ ၀ိနည်းသိက္ခာ ပုဒ်အချို့မှ ကင်းလွတ်ခွင့်ရပြီး ချောင်ချောင်ချိချိ သက်သက် သာသာ နေရရှာပြီ”လို့ စိတ်ထဲမှာ သိမြင်သဘောပေါက်တဲ့အတွက် စေတနာကပိုပြီး ထက်သန်အားကောင်း လာပြန်တယ်။ ဒီတော့ သံဃိကဒါန အနေနဲ့ ၀ိနည်းသိက္ခာပုဒ်မှ ကင်းလွတ်ခွင့်ရစေတဲ့ အကြောင်း ကနေပြီး စေတနာ ထက်သန် အားကောင်းမှု ဆိုတဲ့ ထူးခြားချက်တစ်ချက်ဟာလည်းပဲ ပေါ်ပေါက် လာပြန်တယ်။ ထပ်ခါထပ်ခါ အချိန်တိုင်းအချိန်တိုင်း ကထိန်သင်္ကန်း လှူဒါန်းနိုင်တာမဟုတ်၊ သီတင်းကျွတ်လပြည့်ကျော် ၁ ရက်နေ့မှ တန်ဆောင်မုန်း လပြည့်နေ့အထိ တစ်ကျောင်းမှာ တစ်နှစ်မှ တစ်ကြိမ်သာ ကထိန်သင်္ကန်း လှူဒါန်းခွင့်ရတာမို့ ခက်ခဲရှားပါးတဲ့ ဒါနဖြစ်တဲ့အတွက် စိတ်အာရုံ ပိုစိုက်ပြီး ကြိုးစားကြရတာ ဖြစ်ပြန်တော့ စေတနာထက်သန် အားကောင်း ပြန်တယ်။ ဒီတော့ ဒီစေတနာ ထက်သန် အားကောင်းမှု ထူးခြားချက်ကြောင့်ပဲ အခြားဒါနတွေထက် ပိုပြီး အကျိုးကြီးမားတယ် ဆိုတာလဲ အလွန်သဘာဝ ကျပါတယ်။
လုပ်သင့်တဲ့အလုပ်။ ။ ဒီကထိန်သင်္ကန်းလှူဒါန်းရခြင်းဆိုတဲ့ ဒါနကုသိုလ်ကို အကြောင်းပြုပြီးတော့ သံဃာတော် အရှင်မြတ်များကို ဆွမ်း ခဲဖွယ် ဘောဇဉ် ချိုချဉ် ရသာတွေ ဆပ်ကပ်လှူဒါန်းလို့ သင်္ကန်းအစရှိတဲ့ လှူဖွယ်ဝတ္ထုပစ္စည်းတွေလည်း လှူဒါန်းလို့ ဒီဒါန ကုသိုလ်တွေဟာဆက်ပြီးတော့ ပွားများလာတယ်၊ ကုသလော ဓမ္မော ကုသလဿ ဓမ္မဿ ဥပနိဿယပစ္စယေန ပစ္စယော = ကုသိုလ်တစ်ခုက အခြားကုသိုလ်တစ်ခုအား ပကတိအားဖြင့် အားကြီးသော အကြောင်းအနေနဲ့ ကျေးဇူးပြုလိုက်တဲ့အခါ အခြားကုသိုလ်တစ်ခုက အကျိုးတရားအနေဖြင့် ဖြစ်ပေါ်လာရတယ် ဆိုတဲ့ ပဋ္ဌာန်းဒေသနာတော်ဟာ အလွန်သဘာဝ ကျတယ်။
ကထိန်သင်္ကန်းလှူဒါန်းခြင်းဆိုတဲ့ ဒါနကုသိုလ်က အကြောင်းပြုလိုက်တဲ့ အခါကျတော့ သံဃာတော်များကို သင်္ကန်းအစရှိသော ၀တ္ထုပစ္စည်းများ လှူဒါန်းခြင်းဆိုတဲ့ အကျိုးကုသိုလ်တွေ ဖြစ်ပေါ်လာရတယ်။ တစ်ခါ အဲဒိလို လှူဒါန်းခြင်းကြောင့်ပဲ ကထိန်သင်္ကန်း လှူလို့ရှိလျှင် “ဒီလို ကုသိုလ်ဖြစ်လို့ ဒီလို ကုသိုလ်တိုးပွားတယ်” လို့ ဟောကြားတဲ့ အနုမောဒနာ တရားကို နာကြားရ ခြင်းဆိုတဲ့ ဓမ္မဿဝဏ ကုသိုလ်အကျိုးလည်း ဖြစ်ထွန်းစေပြန်တယ်။ ဒါကြောင့်ကုသိုလ် တစ်ခု အကြောင်းခံပြီး ကုသိုလ်များစွာ တိုးပွားလာတာ ဖြစ်တဲ့အတွက်လည်းပဲ ကြီးမားတဲ့ အကျိုးကို ပေးတယ်။ ဒါကြောင့်ပဲ ကထိန်သင်္ကန်း လှူဒါန်းခြင်းဟာ အင်မတန် လုပ်သင့်လုပ် ထိုက်တဲ့ အလုပ်ပဲလို့ သဘောပေါက်ဖို့ လိုပါတယ်။
ဘာအကျိုးကိုရလိုသလဲ။ ။ အဲသည်လို ကုသိုလ်တွေ အင်အားကောင်းတဲ့ ကုသိုလ်စေတနာတွေ စုပေါင်းဖြစ်ပေါ်လာတော့ အဲဒိကုသိုလ် စေတနာတွေတည်းဟူသော အကြောင်းကြောင့် ဖြစ်ပေါ် လာမည့် အကျိုးတရားအနေနဲ့ လောကီအကျိုးကိုလိုချင်သလား၊ လောကုတ္တရာအကျိုးကို လိုချင် သလားဆိုတာ စဉ်းစားဝေဖန်ရပါလိမ့်မယ်။
လောကီအကျိုးဆိုတာကတော့ လောကမှာ အသက်ရှည်ခြင်း၊ ရုပ်ဆင်းအင်္ဂါ လှပခြင်း၊ ကျန်းမာချမ်းသာခြင်း၊ ခွန်အားကြီးခြင်း၊ ဥာဏ်ပညာ ကြီးမားထက်မြက်ခြင်း၊ ပစ္စည်းဥစ္စာ ကြွယ်ဝခြင်း၊ နေရ စားရ သောက်ရ အစစ ရာရာမှာ အဆင့်တန်းမြင့်မားခြင်းဆိုတဲ့ လောကီ အကျိုး တွေပဲ။ လောကုတ္တရာအကျိုးဆိုတာကတော့ မဂ်ဥာဏ် ဖိုလ်ဥာဏ်ရပြီး ဆင်းရဲငြိမ်းတဲ့ နိဗ္ဗာန်ကို မျက်မှောက်ပြုတာပါပဲ။
အဲဒိတော့ ကုသိုလ်တစ်ခုပြုပြီးလျှင် အဲဒိကုသိုလ်ရဲ့ စေတနာအင်အား ကောင်းမှု အင်အား သေးမှု အပေါ်မှာ အခြေတည်ပြီးတော့ လောကီအကျိုးပဲ ဖြစ်ဖြစ်၊ လောကုတ္တရာအကျိုးပဲ ဖြစ်ဖြစ် အနည်းနဲ့အများ မိမိတို့လိုလားအပ်တဲ့ အကျိုးကို ရမှာကတော့ သေချာတယ်။ ဘာကြောင့် လဲဆိုတော့ စိတ်ဓာတ်ရဲ့ စွမ်းအင်သတ္တိကြောင့်ပဲ။ စေတနာ ဓာတ်ရဲ့ စွမ်းအင် သတ္တိကြောင့်ပဲ။
ဒီတော့ တကယ်လို့ ဒါယကာ ဒါယိကာမတွေဟာ လောကီအကျိုးတွေ လိုချင်တယ်ဆို လျှင်တော့ လောကီအကျိုးကတော့ မတောင့်တဘဲနဲ့ ရသွားတာပဲ၊ သူ့အကြောင်းအကျိုး သဘာဝ အားလျှော်စွာ အသက်ရှည်ခြင်း၊ ရုပ်ဆင်းအင်္ဂါ လှပတင့်တယ်ခြင်း၊ ချမ်းသာများခြင်း၊ ခွန်အားကြီး မားခြင်း၊ ဥာဏ်ပညာကြီးခြင်း၊ ပစ္စည်းဥစ္စာ ကြွယ်ဝခြင်း စတဲ့ လောကီအကျိုး တွေကတော့ အကြောင်းအကျိုး သဘာဝအရ ဖြစ်ပေါ်သွားတာပဲ။
သို့သော် လောကုတ္တရာကျိုးဖြစ်တဲ့ မဂ်ဥာဏ် ဖိုလ်ဥာဏ်နဲ့ ဆင်းရဲခပ်သိမ်းငြိမ်းရာ နိဗ္ဗာန် ရခြင်း အကျိုးဆိုတာကတော့ စိတ်က လိုလိုလားလား ဦးတည်ထားမှသာလျှင်ရတယ်။ စိတ်ကိုက ၀ဋ်ဆင်းရဲငြိမ်းရာ နိဗ္ဗာန်ကို မဂ်ဥာဏ် ဖိုလ်ဥာဏ်နဲ့ လျင်မြန်စွာ မျက်မှောက်ပြုဖို့ မလို လားလို့ ဦးတည်မထားလျှင်တော့ ဒီလောကုတ္တရာအကျိုးထူးကို မရနိုင်ဘူး။ သို့သော် လိုလားလို့ စိတ်ကို အဲဒိ လောကုတ္တရာအကျိုးဘက်ကို ဦးတည်ထားလျှင်တော့ ဒီကုသိုလ် အကြောင်း အထောက်အပံ့ ကြောင့်ပဲ မဂ်ဥာဏ် ဖိုလ်ဥာဏ်ကိုရနိုင်တယ်၊ ဆင်းရဲငြိမ်းတယ်၊ နိဗ္ဗာန်ကို မျက်မှောက်ပြုနိုင်တယ်။
ဆင်းရဲငြိမ်းဖို့ကို ဦးတည်ထားပါ။ ။ ဒါကြောင့် လောကီအကျိုးကို ဦးတည်ချက် ရည်ရွယ်ချက် မထားဘဲ ဆင်းရဲမဖက် ချမ်းသာသက်သက်ဖြစ်တဲ့ လောကုတ္တရာကျိုးဖြစ်တဲ့ မဂ်ဥာဏ်ဖိုလ်ဥာဏ်နဲ့ နိဗ္ဗာန်ကို မျက်မှောက်ပြုရေးကိုပဲ ဦးတည် ချက်ထားဖို့ ပိုပြီး အရေးကြီးပါတယ်။ အဲဒိလို ဦးတည်ပြီး လှူဒါန်းလျှင် ဦးတည်ချက်မထားတဲ့ လောကီကျိုးကလည်းပဲ သူ့အလိုအလျှောက် ပါဝင်ပြီး ဖြစ်တာပါပဲ။
မဂ်လမ်းပေါ်မှ မြတ်ဒါန။ ။ ဒါနကုသိုလ်ကြောင့် ဖြစ်လေရာဘ၀မှာ မတောင့်မတရဘဲ ကြွယ်ကြွယ် ၀၀ ချမ်းချမ်းသာသာနဲ့ လူ့စည်းစိမ် ချမ်းသာတွေကို ခံစား စံစားရတယ်ဆိုတာကတော့ ရရှိမြဲ သာမာန်အကျိုးပါပဲ၊ ဒီအကျိုးလောက်နဲ့ အားရမနေဘဲ ဒိထက်ပိုပြီး ကောင်းမြတ်တဲ့ အကျိုးကို ဦးတည်ချက်ထားဖို့ လိုပါတယ်။ ဘာကြောင့်လဲဆိုတော့ လူ့စိမ်းစိမ် နတ်စည်းစိမ် စသည့် အကျိုး တွေဟာ ဖြစ်တတ် ပျက်တတ်တဲ့ ရုပ်နာမ်တွေနဲ့ မကင်းတဲ့အတွက် ဆင်းရဲနဲ့ရောယှက်နေပါတယ်။ ဒါကြောင့် ဆင်းရဲမဖက် ချမ်းသာသက်သက်ဖြစ်တဲ့ မဂ်ဥာဏ် ဖိုလ်ဥာဏ် နိဗ္ဗာန်ကို လျင်မြန်စွာ မျက်မှောက်ပြုရေးကိုသာ ဦးတည်ချက်ထားလျှင် ဒီဒါနဟာ ကောင်းသော အကြောင်း အထောက် အပံ့ ဖြစ်နိုင်ပါတယ်။
မှတ်လောက်တဲ့ ၀တ္ထုသာဓက ။ ။ ဒါနပြုရာမှာ စိတ်ထားမှန် ဦးတည်ချက်မှန်လို့ လောကီကျိုး လောကုတ္တရာကျိုး နှစ်မျိုးလုံး ရတဲ့ ဗုဒ္ဓရှင်တော်မြတ်ဘုရား သက်တော်ထင်ရှား ရှိတော်မူစဉ်က အဖြစ်အပျက်တစ်ခုကို ရှင်းပြပါ့မယ်၊
မြတ်ဘုရား သက်တော်ထင်ရှား ရှိတော်မူစဉ် အခါက ရာဇဂြိုဟ်ပြည်မှာ မဟာသေန ဆိုတဲ့ ဗြဟ္မဏ သူကြွယ်ကြီးတစ်ယောက် ရှိခဲ့ဖူးပါတယ်။ သူဟာ အရှင်သာရိပုတ္တရာ ရဲ့ဖခင် ၀င်္ဂန္တ ဗြဟ္မဏကြီးရဲ့ မိတ်ဆွေရင်းဖြစ်ပြီး အရှင်သာရိပုတ္တရာကို အရှင်မြတ်တစ်ပါးလို ကြည့်လဲကြည်ညို၊ သားရဟန်း တစ်ပါးလိုလဲ ခင်မင်ပါတယ်။ သင်္ခါရသဘောအရ (တဖြည်းဖြည်း ပစ္စည်းတွေ လျော ကျပျက်စီးတော့) နောက်ဆုံးမှာ တစ်နေ့စာတစ်နေ့ ရှာစားရတဲ့ အခြေအနေထိ ဒီဗြဟ္မဏကြီး ဆင်းရဲသွားပါတယ်။ ဒီတော့ ရှေးကလို မလှူနိုင် မတန်းနိုင်တော့ဘူးပေါ့။
ပစ္စည်းပစ္စယပြည့်စုံတဲ့အခိုက်မှာ ဒီအတိုင်းပဲ အမြဲပြည့်စုံနေလိမ့်မယ်လို့ ပစ္စည်းမာန်တက်ကာ ဘုရားမှန်းမသိ၊ တရားမှန်းမသိ၊ သံဃာမှန်းမသိ လောက်အောင် မိုးမမြင်လေမမြင် ဘ၀င်ကိုင်နေတဲ့ လူတွေ အတော် သတိချပ်စရာ ကောင်းပါတယ်။ ဖြစ်ပေါ်လာပြီးလျှင် အခြေအနေ တစ်ရပ်တည်းမှာ တည်မြဲမနေဘဲ ပျက်စီးရတာဟာ တစ်လောကလုံးရဲ့ သဘာဝပဲ။
ဗြဟ္မဏကြီးဟာ တစ်နေ့စာတစ်နေ့ ရှာစားရလို့ မလှူဒါန်းနိုင်သော်လည်းပဲ အရှင်သာရိ ပုတ္တရာကို ကြည်ညိုလျက် ခင်မင်လျက်ပဲ၊ သာသနာတော်ထဲမှာရှိတဲ့ သံဃာတော် အရှင်မြတ် တွေကို ဒါယကာ ဒါယိကာမတွေ ကြည်ညိုတယ်ဆိုတာ ကြည်ညိုမှု သက်သက်တော့ ခပ်ရှားရှား ပါပဲ၊ အနည်းနဲ့အများ ခင်မင်မှု ကလေးတော့ ပါတာပဲ၊ ကျေးဇူးတင်လို့ ခင်မင်တာ၊ သဘောကောင်း လို့ အပြောကောင်းလို့ ခင်မင်တာ၊ အသံကောင်းလို့ ခင်မင်တာ၊ ရုပ်ကောင်းလို့ ခင်မင်တာ စသည်ဖြင့် ခင်မင်မှုကလေးတွေ ကတော့ ကြည်ညိုမှု၊ ယုံကြည်မှု သဒ္ဒါတရားနဲ့ တွဲလျက် ပါလျက်ပဲ များပါတယ်။ ယခု ဒီပုဏ္ဏား ကြီးလဲ အရှင်သာရိပုတ္တရာကို ကြည်ညိုတာဟာ သားလို ခင်မင်မှုကလဲ ပါနေတယ်၊ သံယောဇဉ် ပေါ့လေ၊
တစ်နေ့မှာ အရှင်သာရိပုတ္တရာက ကျေးဇူးများတဲ့ ဗြဟ္မဏကြီးဖြစ်လို့ သူ့ကို ချီးမြောက် ချင်တော့ ဗြဟ္မဏကြီးရဲ့ အိမ်ရှေ့မှာ ဆွမ်းရပ်တယ်၊ ဒါကို ဗြဟ္မဏကြီးက မြင်ပါတယ်၊ ဒါပေမယ့် သူ့မှာ လောင်းစရာ ဘာမှမရှိဘူး။ ဒါကြောင့် အရှင်သာရိပုတ္တရာမမြင်ရလေအောင် ပုဏ္ဏားကွယ် လေးမှာနေပြီး အသာလေး ချောင်းကြည့်နေတယ်။ အတော်ကြာလို့ ဆွမ်းလောင်းသူ မပေါ်လာ တော့ အရှင်သာရိ ပုတ္တရာလဲ ကြွသွားတယ်။
အဲသည်လိုနဲ့ အရှင်သာရိပုတ္တရာက နှစ်ရက်သုံးရက်ဆက်ပြီး အဲဒိ ဗြဟ္မဏကြီးရဲ့ အိမ်ရှေ့ မှာ ဆွမ်းရပ်တယ်၊ ဒါပေမယ့် ဒီဗြဟ္မဏကြီးဟာ ဘာမှ လောင်းစရာမရှိတဲ့အတွက် ဆွမ်းမလောင်း နိုင်ဘူး၊ စိတ်ထဲကတော့ ငါ့သား အရှင်သာရိပုတ္တရာ ကြွလာတာ ငါဘာမှ မလောင်းနိုင်ဘူး၊ လောင်းချင်လိုက်တာ၊ လှူချင်လိုက်တာ၊ ဒါန စေတနာတွေကတော့ အင်မတန် ထက်ထက် သန်သန်ကြီး တက်တက်ကြွကြွကြီးဖြစ်နေတယ်။ ဖြစ်နေပေမယ့် လှူစရာပစ္စည်းကလည်း ဘာမှ မရှိ၊ လောင်းစရာက ဘာမှမရှိတော့ မလှူနိုင်၊ မလောင်းနိုင်ဘူး။
ဗြဟ္မဏကြီးမလှူနိုင် မလောင်းနိုင်လို့ စိတ်အားငယ်တာ ၀မ်းနည်းတာက တစ်မျိုး၊ အရှင် သာရိပုတ္တရာ ကိုယ်တော်မြတ်ကြီးကို ဖူးမြော်ရလို့ မိမိအိမ်ရှေ့မှာ ဆွမ်းရပ်လို့ ၀မ်းသာပြီး တက်ကြွ နေတဲ့ စိတ်တွေကတစ်မျိုး၊လှူဒါန်းချင်တဲ့စေတနာကတစ်မျိုး အဲသည်လိုဖြစ်နေတယ်၊ ဒါနဲ့ တစ်နေ့ တော့ အရပ်ထဲက အိမ်တစ်အိမ်မှာ ဗြဟ္မဏစာပေဝေဒတွေကို ရွတ်ဖတ်သရဇ္ဈယ်ဖို့ လာပြီးပင့်တော့ ဒီဗြဟ္မဏကြီးလိုက်သွားတယ်၊ အဲဒိအိမ်မှာ ဗြဟ္မဏစာပေ ဝေဒတွေကို ရွတ်ဖတ်ပြီးတဲ့အခါ ဥာဏ်ပူ ဇော်ခ အနေနဲ့ နို့ထမင်းတစ်ယောက်စာနဲ့ ဖျင်ပိုင်းတစ်ပိုင်း အိမ်ရှင်က လှူလိုက်တယ်။
ပတ်ပိုင်းလှူတဲ့ အစဉ်အလာ။ ။ ဒီဖျင်ပိုင်းလှူတဲ့ အလေ့အထဟာ အဲဒိ ဗြဟ္မဏတွေက စတာလား မသိပါဘူး၊ ဘုန်းကြီးတို့ မြတ်စွာဘုရား လက်ထက်ကလည်းဒ အဲဒိလိုပဲ သံဃာတော်တွေ လှူတဲ့အခါမှာ သင်္ကန်းတစ်ထည်စာ မလှူနိုင်တဲ့အတွက် တစ်ပိုင်းတစ်စ လှူတာတွေရှိတယ်၊ တစ်ထည်စာ လှူနိုင်တာ တော်တော်ရှားပါး ပါတယ်။ အဲဒိလို တစ်ပိုင်းတစ်စရတဲ့ ဖျင်ပိုင်း ပိတ်ပိုင်း ကလေးကိုပဲ စပ်ဟပ် ချုပ်ပြီး သံဃာတော် အရှင်မြတ်များ သင်္ကန်းအဖြစ် ၀တ်ကြရတယ်။
အဲဒိအလေ့အထဟာ အခုထိ သီဟိုဠ်မှာတော့ ရှိနေတယ်။ သီဟိုဠ်မှာတော့ ပိတ်စကလေး သုံးတောင်စလောက် လှူတယ်၊ တစ်ခါတရံလဲ နှစ်တောင်စလောက် လှူကြတယ်၊ ပိတ်အုပ်ကြီး တစ်အုပ်လုံး လှူတာလည်း ရှိတာပဲ၊ တစ်အုပ်လုံးလှူတယ်ဆိုပေမယ့် တစ်ပါးတစ်အုပ်ကျ မဟုတ် ပါဘူး၊ သံဃာတော် ၁၀ ပါး ပင့်တယ်ဆိုလျှင် သံဃာ ၁၀ပါးကိုရည်စူးပြီး ပိတ်အုပ်ကို လှူလိုက် တာပဲ၊ အဲဒိပိတ်အုပ်ကိုမှ သံဃာ ၁၀ ပါးက ဝေငှပြီးတော့ ယူရတယ်။ အဲဒိအစဉ်အလာ ယခုအထိ သီဟိုဠ်မှာ ရှိနေသေးတယ်။
သမာဓိရစေတဲ့ အ၀တ်နဲ့ စိတ်ဖြူစေတဲ့အ၀တ်။ ။ပြီးတော့ ကျမ်းဂန်မှာကျောင်းကန်ဘုရားသွား မယ်။ ဘုရားသွားဖူးမယ်၊ တရားနာသွားမယ်ဆိုလျှင် သြဒါတ ၀တ္တ၀သနော အ၀တ်ဖြူ ၀တ်သွားကြ တယ်လို့ ဖော်ပြထားတယ်။ အဲဒါလည်းပဲ သီဟိုဠ်မှာတော့ အခုထိပဲ ဘုရားကျောင်းကန်သွားလျှင် ဥပုသ်စောင့်သွားသွား တရားနာသွားသွား ဘယ်ကိုပဲသွားသွား အ၀တ်ဖြူကို ၀တ်သွားကြတယ်၊ အ၀တ်ကြောင်ကြောင်ကျားကျားတွေ မ၀တ်ကြဘူး၊ ၇ နှစ် ၈ နှစ် သမီးလေးတွေကအစ ဂါဝန်အဖြူ ကလေးနှင့် တဘက်ဖြူကလေး ပတ်လို့သွားကြတယ်။ ကောင်းတဲ့အလေ့အထပါပဲ။
ဘုန်းကြီးတို့ဆီတော့ များသောအားဖြင့် တချို့နေရာတွေများ ယောဂီရောင်ဆိုပြီးတော့ အညိုရောင်ဝတ်သွားကြတယ်။ အညိုရောင်ဝတ်သွားတော့ တစ်မျိုးပေါ့လေ၊ အညိုရောင်ဆိုတာက စိတ်တည်ငြိမ်မှု သမာဓိကို အားပေးတာပေါ့။ အဖြူဆိုတော့ စိတ်ဓာတ်ဖြူစင်မှုကို အားပေးတယ်။ နှစ်မျိုးလုံးတမျိုးစီ ကောင်းတာချည်းပဲ။
မသင့်လျော်တဲ့အ၀တ်။ ။ ဒါပေမယ့် အဲဒိလို ကျောင်းကန်ဘုရားသွားတဲ့အခါမှာ ကြောင်ကြောင် ကျားကျား အဆင်ဆန်းတွေ၊ ဘာလူမျိုးမှန်း မသိရလောက်အောင် ဆန်းဆန်းပြားပြား ချုပ်ထား တာတွေ၊ ဟီရိသြတ္တပ္ပကင်းတဲ့ မလုံမလဲ အကျီ င်္တွေဝတ်သွားကြတာကတော့ တော်တော်လေးကို မမြင်တော်တဲ့ ကိစ္စပဲ။ အဲဒါတွေတော့ ရှောင်နိုင်လျှင် အကောင်းဆုံးပါပဲ။
ဗြဟ္မဏကြီးဟာ ဖျင်ပိုင်းတစ်ပိုင်းနဲ့ နို့ထမင်းတစ်ယောက်စာရတော့ သိပ်ဝမ်းသာသွား တယ်။ ဒီကနေ့ ငါ့သား အရှင်သာရိပုတ္ထရာ ကြွလာရင် ဒီဖျင်ပိုင်းတစ်ပိုင်းလှူမယ်၊ ဒီ နို့ဆွမ်းလဲ လှူမယ်၊ ရလာကတည်းက စိတ်ထဲမှာ ၀မ်းသာလို့ မဆုံးဘူး။ အိမ်ပြန်လမ်းမှာ မြေကြီးတောင် ခြေထောက်နင်းမိတယ် မထင်ဘူး။ စိတ်က တက်ကြွနေလို့ ရုပ်ကလည်း ပေါ့ပါးနေတာ မြေကြီးကို ထိတယ်လို့တောင် မထင်ဘဲ ဖြစ်နေတယ်။
အိမ်ပြန်ရောက်လို့ မကြာခင်မှာဘဲ အရှင်သာရိပုတ္ထရာ ကိုယ်တော်မြတ်ကြီးကလဲ ကြွနေကျ အတိုင်း ဆွမ်းလာရပ်တယ်။ ဒီတော့ ဗြဟ္မဏကြီးဟာ ၀မ်းပန်းတသာနဲ့ အရင်နေ့များလို ပုန်းမနေ တော့ဘဲ ချက်ချင်း အရှင်သာရိပုတ္တရာ မထေရ်မြတ်ကြီးထံသွားပြီး “အရှင်ဘုရား၊ အိမ်ထဲ ကြွတော် မူပါ၊ ဆွမ်းလောင်းပါရစေ၊ သင်္ကန်းလဲ ကပ်ပါရစေ” လို့လျှောက်ထားတော့ အရှင်သာရိပုတ္တရာကလဲ ကြွလိုက်သွားတယ်။ အိမ်ထဲရောက်တော့ အခင်းကလေးကျကျနန ခင်းပြီး အရှင်သာရိပုတ္တရာ ကို အဲဒိမှာ ထိုင်ဖို့ လျှောက်တယ်။
နို့ဆွမ်းနှင့် ဖျင်ပိုင်းအလှူ။ ။ အရှင်သာရိပုတ္တရာ ထိုင်ပြီးတော့မှ အရှင်မြတ်ရဲ့ သပိတ်ထဲကို နို့ထမင်းလောင်းလှူလိုက်တယ်။ ထက်ဝက်လောက်ရှိတဲ့အခါ ကိုယ်တော်မြတ်က တားတဲ့အနေနဲ့ သပိတ်ကို လက်နှင့်ပိတ်လိုက်တယ်၊ ဒီတော့ ဗြဟ္မဏကြီးက “အရှင်ဘုရား၊ ဒီဆွမ်းဟာ တစ်ပါးစာ တစ်ယောက်စာ ဆွမ်းပါ၊ တပည့်တော်ရဲ့ ပစ္စုပ္ပန်အရေး ကြည့်ရှုတော်မမူပါနဲ့၊ သံသရာအရေးကိုပဲ ကြည့်ပြီးတော့ အားလုံး အလှူခံတော်မူပါဘုရား”လို့ လျှောက်ထားတော့ ကိုယ်တော်မြတ်က လည်း ချီးမြောက်ချင်တာနဲ့ လက်ကို ရုပ်ပြီးတော့ နို့ထမင်းအားလုံးကို အလှူခံလိုက်တယ်။ ပြီးမှ ဗြဟ္မဏကြီးက သူရလာတဲ့ ဖျင်ပိုင်းလေးကို သင်္ကန်းအဖြစ် အရှင်သာရိပုတ္တရာ ကို လှူတယ်။
စေတနာကောင်းလျှင် အကျိုးကြီးမား ။ ။ လှူဖွယ်ပစ္စည်း အနေနဲ့တော့ ဘာမှ တန်ဖိုးရှိလှတာ မဟုတ်ဘူး။ နို့ထမင်း တစ်ယောက်စာနဲ့ ပိတ်ပိုင်းကလေး ရှိလှမှ နှစ်တောင်သုံးတောင်ပေါ့၊ သို့သော် ဒီဗြဟ္မဏကြီး စိတ်သန္တာန်မှာ ဖြစ်နေတဲ့ အရှင်သာရိပုတ္တရာကို လှူဒါန်းလိုတဲ့ ဒါနစေတနာ က အားသေးသလား၊ အားကြီးသလား၊ တစ်ရက်နှစ်ရက်အတွင်း ဖြစ်ပေါ်လာတဲ့ ဒါနစေတနာလား၊ ရက်ပေါင်းများစွာ စုဆောင်းလာရတဲ့ ဒါနစေတနာနော်၊ ဒီတော့ ဒီ ဒါနစေတနာဟာ အင်မတန် အားကောင်းတာပေါ့။
မှန်ကန်သော စိတ်ထားနှင့် ဦးတည်ချက်။ ။ အဲဒီလို လောင်းလှူပြီးတော့ ဒီဗြဟ္မဏကြီးက ဆုတောင်းတယ်။ ဘယ်လို ဆုတောင်းသလဲဆိုတော့ “ဒီနို့ဆွမ်းနဲ့ သင်္ကန်းကို လှူဒါန်းရတဲ့ ဒါန ကုသိုလ်ကြောင့် အရှင်ဘုရားများသိတဲ့ တရားကို တပည့်တော် သိရပါလို၏ ဘုရား”လို့ ဆုတောင်း တယ်။အရှင်ဘုရားများသိတဲ့တရားတော်ဆုတောင်းဟာ လောကီဆုတောင်းမဟုတ်၊ လောကုတ္တရာ ဆုတောင်း၊ အရှင်သာရိပုတ္တရာက အရိယသစ္စာလေးပါးကို မဂ်ဥာဏ် ဖိုလ်ဥာဏ်နဲ့ ထိုးထွင်းသိတာ မဟုတ်ပါလား၊ အဲဒိရည်ရွယ်ချက်ဟာ သံသရာ ၀ဋ်ဆင်းရဲငြိမ်းရေးပါ။ အင်မတန်မှ အတုယူစရာ ကောင်းပါတယ်။ ကိုယ်တော်မြတ်ကလည်း တောင်းတဲ့ဆုနဲ့ ပြည့်စုံစေလို့ ဆုပေးပြီး ပြန်ကြွ သွားတယ်။
ဗြဟ္မကြီးလဲ သူ့ဒါနကို မကြာခဏ ပြန်ပြန်တွေးမိတိုင်း တွေးမိတိုင်း ၀မ်းသာနေတယ်။ တော်လိုက်တာ ငါ့သား အရှင်သာရိပုတ္တရာ ဆွမ်းခံကြွလာတဲ့အချိန်နဲ့ ငါ့မှာ လှူဖွယ်ဝတ္တုပစ္စည်း ရှိတဲ့အချိန် တိုက်ဆိုင်လို့ လှူလိုက်ရတယ်။ ၀မ်းသာလိုက်တာ၊ ၀မ်းသာလိုက်တာနှင့် တွေးမိတိုင်း ၀မ်းသာနေတယ်။ ၀မ်းသာတိုင်း ၀မ်းသာတိုင်းဟာ ဒါနကုသိုလ် စေတနာတွေ တိုးတိုးပြီး အာကောင်းလာတယ်။ ဒါနဲ့ အသက်အတိုင်းနေပြီး ဒီဗြဟ္မဏကြီး ကွယ်လွန်တော့ သာဝတ္တိပြည်က အရှင်သာရိပုတ္တရာ ရဲ့ အလုပ်အကျွေးသူဌေး တစ်ဦးရဲ့ ဇနီး ၀မ်းထဲမှာ ပဋိသန္ဓေ နေတယ်။
မိခင်လောင်း၏ ချစ်ခြင်း။ ။ ဒီကလေး ကိုယ်ဝန်ရှိနေတုန်းမှာ သူ့မိခင်ဟာ အရှင်သာရိပုတ္တရာ ဦးဆောင်တဲ့ သံဃာငါးရာကို နို့ဆွမ်းမပျစ်မကျဲ ကပ်လှူလိုတဲ့ ဆန္ဒဖြစ်ပေါ်တယ်။ ဖန်ရည်ဆိုးတဲ့ အ၀တ်ညိုကိုဝတ်၊ သံဃာအစွန်မှာ ထိုင်ပြီး သံဃာတော်တွေရဲ့ အကြွင်းအကျန် နို့ဆွမ်းကို စားလိုတဲ့ ဆန္ဒလည်း ဖြစ်ပေါ်နေတယ်။ ဒါကြောင့် သူ့မိဘတွေဟာ သူ့အလိုဆန္ဒအတိုင်း အားလုံး ဖြစ်အောင် စီစဉ်ပေးကြတော့ ဒီသူဌေးကတော်လေး နို့ဆွမ်းလဲ လှူရ၊ ယောဂီရောင်ဝတ်၊ သံဃာ အစွန်မှာ ထိုင်ပြီး ဆွမ်းကြွင်းလဲ စားရတယ်။ ဒီတော့မှ သူ့ဆန္ဒက ပြေပျောက်သွားတယ်။ ချင်ခြင်း ငြိမ်းသွားတယ်ပေါ့။ နောက်လဲ ကလေးမဖွားခင် မင်္ဂလာအမျိုးမျိုး၊ ဖွားပြီးနောက် မင်္ဂလာအမျိုးမျိုး ပြုလုပ်ရာ မှာလည်း အရှင်သာရိပုတ္တရာနဲ့ ရဟန်းငါးရာကိုပဲ နို့ဆွမ်းချည်း ကပ်ကြတယ်။
ကလေး၏ ကမ္ဗလာဒါန။ ။ တစ်နေ့မှာ မွေးနေ့မင်္ဂလာ ဒါနကုသိုလ် ပြုလုပ်တော့ ကလေးကို ပွေ့ချီပြီး အရှင်သာရိပုတ္တရာထံ ခေါ်ကြတဲ့အခါ ကလေးကသူ့ကို ခင်းသိပ်ထားတဲ့ တစ်သိန်းတန် ကမ္ဗလာကို လက်ချောင်းကလေးတွေနဲ့ ချိတ်ထားတယ်၊ လူကြီးတွေက ကမ္ဗလာကို ဆွဲလိုက် တော့ ကလေးက ငိုတယ်၊ ဒါကြောင့် ဆွဲမယူတော့ဘဲ ကလေးရော ကမ္ဗလာကိုပါ အရှင်မြတ်ကြီးထံ ယူသွားကြတယ်။ အရှင်မြတ်အနားရောက်တော့ ကလေးက ကမ္ဗလာကို ချိတ်ကိုင်ထားတဲ့ လက် ချောင်းကလေးကို ဖြေချလိုက်တော့ကမ္ဗလာဟာ အရှင်မြတ်ကြီး အနားမှာ ကျသွားတယ်။ ဒီတော့မှ မိဘများက “သြော်.. ကလေးက ကမ္ဗလာကို လှူချင်တာကိုး” လို့ ရိပ်မိကြပြီး “အရှင်မြတ်ရဲ့ တပည့် လှူဒါန်းတဲ့ကမ္ဗလာကို အလှူခံတော်မူပါဘုရား” လို့ လျှောက်ပြီး ကမ္ဗလာလေးကို အရှင်သာရိပုတ္တရာအား ကပ်လှူလိုက်ကြတယ်။ “ကလေးရဲ့ နာမည်က ဘယ်သူလဲတဲ့” လို့ အရှင်မြတ်က မေးတော့ “အရှင်ဘုရားရဲ့ ငယ်နာမည်အတိုင်း တိဿပါဘုရား” လို့လျှောက်ကြ တယ်။ အရှင်သာရိပုတ္တရာရဲ့ ငယ်နာမည်က ဥပတိဿ ပါ။
ကလေး ၇ နှစ်သား ရှိတဲ့အခါ ကလေးက ကိုရင်ဝတ်ပေးဖို့ ရှင်ပြုပေးဖို့ ပူဆာတယ်၊ မိဘ တွေကလည်း သဘောတူတယ်၊ ဒီကလေးဟာ မွေးလာတကည်းက ပါရမီပါတဲ့ကလေးပဲ၊ ဒါကြောင့် အရှင်သာရိပုတ္တရာကိုပဲပင့်ပြီး ကလေးကိုရှင်ပြုပေးဖို့ အပ်နှံကြတယ်။ အရှင်သာရိပုတ္တရာက ကျောင်းကိုခေါ်သွားပြီး ရှင်ပြုပေးတယ်။ ၇ နှစ်သား အရွယ်မှာ ရှင်ပြုပေးတာမို့ ကလေးကို ရှင်ပြုတဲ့ ကုသိုလ် အထိမ်းအမှတ်နဲ့ ဇေတ၀န်ကျောင်းမှာ သံဃာတော်တွေကို ၇ ရက်ပတ်လုံး နို့ဆွမ်းကပ် ကြတယ်။
အလုပ်ကောင်းလို့ ကံကောင်းတယ်။ ။ ရှစ်ရက်မြောက်တဲ့ နေ့ကျတော့ ကိုရင်ကလေး ဆွမ်းခံ ထွက်တယ်။ ၇ နှစ်သား ကိုရင်ကလေး ဆွမ်းခံထွက်လာတဲ့အခါ ရှေးကပြုခဲ့တဲ့ ကုသိုလ်ပါရမီ ကလည်း အကျိုးပေးခွင့် အချိန်ရောက်၊ သူကိုယ်တိုင်လည်း မြို့မျက်နှာဖုံးဖြစ်တဲ့ သူဌေးသူကြွယ် ရဲ့သား၊ သူကိုယ်တိုင်ကလည်း လိမ္မာရေးခြားရှိလို့ နာမည်ကလည်း ရပြီးသားဖြစ်ပြန်၊ အခု ကိုရင် ၀တ်တဲ့အခါကျပြန်တော့လည်း သင်္ကန်းကလေးနဲ့ ကတုံးစိမ်းစိမ်းလေးနဲ့ အသားက ၀ါဝါ၀င်းဝင်း ကလေးနဲ့ ဆိုတော့ ပိုပြီး ကြည်ညိုစရာကောင်းနေတယ်။ လူတွေက ကြည်ညိုကြတယ်။ ဒါကြောင့် ဆွမ်းတွေလောင်းလိုက်ကြတာ ဆွမ်းအုပ်ပေါင်း ငါးရာတောင်မှပဲ၊ ပိတ်ပိုင်းငါးရာလည်း လှူလိုက် ကြတယ်။ ရှေးကပြုခဲ့တဲ့ ဒါနကုသိုလ်က အချိန်ကျလို့ အကျိုးပေးတယ်။ နောက်တစ်နေ့ ဆွမ်းခံ ထွက်ရပြန်တော့လည်း အရင်နေ့လို့ပဲ ရပြန်တယ်။
ဘုန်းဆိုတာ ရှေးကပြုခဲ့တဲ့ ကောင်းမှုတွေ။ ။ ဒီလိုနဲ့ ကိုရင်လေးက ဘုန်းကြီးတဲ့ကိုရင်လေးဖြစ်နေ တယ်။ ဘုန်းဆိုတာ ရှေးကကုသိုလ်ကံကို ပြောတာ။ ဘုန်းကြီးတဲ့ပုဂ္ဂိုလ်ဆိုတာ ရှေးက ကုသိုလ်ကံ မြောက်များစွာ ပြုခဲ့တဲ့ ပုဂ္ဂိုလ်လို့ ဆိုလိုတယ်။ ဒီကိုရင်ကလေး ဘုန်းကြီးတယ်ဆိုတော့ ရှေးက ဘာကုသိုလ်များ ပြုခဲ့သလဲ၊ ရှေးဘ၀က နို့ထမင်း တစ်ပါးစာနဲ့ ဖျင်ပိုင်းတစ်စ၊ အခုဘ၀ ကမ္ဗဘာလေးတစ်ထည်၊ ဒါပဲ လှူခဲ့တယ်။ နည်းနည်းကလေးပါလား။ ပစ္စည်းဝတ္ထုက သေးသိမ် သော်လည်း သူ့ရဲ့စေတနာက အင်အားကြီးမားတော့ သူဟာ ဘုန်းကြီးတဲ့ပုဂ္ဂိုလ်ဖြစ်လာရတယ်။ ဘုန်းကြီးတယ်ဆိုတာ အလကားသက်သက် ကြီးတာမဟုတ်ဘူး၊ ရှေးက ဒါနကုသိုလ်တွေကို စေတနာ ထက်ထက်သန်သန်နဲ့ ပြုခဲ့လို့ ဘုန်းကြီးတာ။
ကိုရင် တိဿ၏ ကမ္ဗလာတစ်ထောင်အလှူ။ ။ ဆောင်းရာသီ တစ်နေ့မှာ ရဟန်းတော်တွေက ချမ်းလို့မီးလှုံနေကြတယ်။ မနက်စောစော ကိုရင် တိဿက ဟိုကျောင်းဒီကျောင်းလျှောက်သွားရင်း ရဟန်းတော်တွေ မီးလှုံနေတာ တွေ့တော့ ကိုရင်လေးက..
“အရှင်ဘုရားများ မီးလှုံနေကြသကိုး၊ ချမ်းလျှင် သင်္ကန်းခြုံကြပေါ့ဘုရား၊ သင်္ကန်းခြုံထား လျှင် အချမ်းလုံပါတယ်”
“အမယ် ကိုရင်ကပြောတော့ လွယ်လိုက်တာ၊ ခြုံသင်္ကန်းရှိမှ ခြုံနိုင်မှာပေါ့ ကိုရင်ရဲ့၊ သင်္ကန်း မရှိဘဲ ဘယ်လိုလုပ် ခြုံမလဲ၊ မီးပဲ လှုံရတာပေါ့၊ တို့က ကိုရင်လို ဘုန်းမကြီးဘူးကွယ့်”
“အဲသည်လိုဆိုရင် ခြုံသင်္ကန်းမရှိတဲ့ အရှင်ဘုရားများ တပည့်တော်နဲ့အတူ မြို့ထဲကို ကြွတော်မူပါဘုရား၊ ခြုံသင်္ကန်း ပြည့်စုံပါလိမ့်မယ်”
ကိုရင်တိဿက အဲဒိလို လျှောက်လားလိုက်တော့ ခြုံသင်္ကန်းမရှိတဲ့ သံဃာတော်တွေက ကိုရင်ကလေးနောက် ကြွလိုက်သွားကြတာ။ ကိုရင် တိဿရဲ့ဆွမ်း၊ သင်္ကန်း၊ လာဘ်လာဘတွေကို တွေ့မြင်နေကြတာဆိုတော့ ကိုရင်ရဲ့ ဘုန်းကံကို ယုံကြည်ကြလို့ပေါ့။
ကိုရင်လေးဟာ သံဃာတော်တန်းကြီးရဲ့ ရှေ့ကနေ ကြွပြီး အိမ်ပေါက်စေ့ရပ်ရပ်သွားတယ်။ ဒါယကာ ဒါယိကာမတွေက
“ ကိုရင်လေး ဘာအလိုရှိပါသလဲဘုရား”
“ သံဃာတော်တွေ ခြုံသင်္ကန်း လိုနေလို့ ဒါယကာကြီး”
ဒါယကာ ဒါယိကာမတွေက ဘာအလိုရှိသလဲမေးတယ်၊ ဘာလိုတယ်ဆိုတာပဲပြောရတယ်။ ဘာလှူပါလုိ့ မပြောကောင်းဘူး၊ လိုတာပဲ ပြောရတယ်၊ ဒါလောက် ပြောလိုက်လျှင်ပဲ မူလ ကတည်းက ကြည်ညိုရင်းစွဲရှိလို့ လှူချင်နေကြတဲ့ ဒါယကာ ဒါယိကာမတွေက သံဃာတန်းကြီး ရှေ့က ကို၇င်ကလေးကို ကြည်ညို၊ နောက်က ၀င်းထိန်နေတဲ့ သံဃာတန်းကြီးကိုလဲ ကြည်ညို ကြတော့ လှူလိုက်ကြတာ ကမ္ဗလာသင်္ကန်း၊ သက္ကလပ်သင်္ကန်းတွေ မကြာခင်ပဲ သင်္ကန်း တစ်ထောင် ပြည့်သွားတယ်။
စိတ်ကို ပြောင်းစေတဲ့ ဒါန ။ ။ ရှေးကံစွမ်းအားများ အင်မတန် အံ့သြစရာ ကောင်းတယ်။ အကောင်းထဲက မမျှော်လင့်ပဲ အဆိုးတွေကိုလည်း ဖြစ်ပေါ်စေနိုင်တယ်။ အကြောင်းညီညွတ်လို့ ကံတရားအကျိုးပေးခွင့် သာလာတာနဲ့ တပြိုင်နက်တည်း အခြေအနေဟာ ချက်ချင်း ပြောင်းလဲ သွားနိုင်တယ်။
အဲဒိသဘာဝအတိုင်းပဲ အခု ကိုရင်တိဿရဲ့ ရှေးက ပြုခဲ့တဲ့ ဒါနကုသိုလ်ကံဟာလဲ အလွန် အံ့သြဖို့ကောင်းပါတယ်။ ဒီကိုရင်ကလေး သံဃာတော်တစ်ထောင်နဲ့ ကမ္ဗလာအလှူခံကြွလာတယ် လို့ သတင်းပျံ့သွားတော့ ဈေးထဲက ကမ္ဗလာဆိုင်က ဆိုင်ရှင်တစ်ယောက်ဟာ သူ့ကမ္ဗလာတွေကို အလှူခံမှာ အလွန်အမင်း စိုးရိမ်သွားတယ်။ ဒါနဲ့ ဆိုင်ကြီးပိတ်ထားလုိ့လဲ မသင့်လျှော်တော့ အပေါ်ဆုံးကထားပြီး ၀ယ်သူမြင်လွယ်အောင် ပြထားတဲ့ အသပြာတစ်သိန်းတန်တဲ့ ကမ္ဗလာ တွေကို ညံ့တဲ့ အခြားကမ္ဗလာတွေအပေါ်ကနေ ဖုံးအုပ်ထားလိုက်တယ်။ ညံ့တဲ့ ကမ္ဗလာတွေကိုပဲ မြင်သာအောင် ထုတ်ပြထားတယ်၊ အလှူခံလျှင် မကောင်းတာတွေ လှူမယ်ပေါ့လေ၊ စေတနာ မကောင်းဘူး၊ ကောင်းတာကို ၀ှက်ထားပြီး မကောင်းတာကို လှူချင်တယ်ဆိုတော့ အကျိုးပေးတော်တော် ကြီးမားမှာပဲ။
ကိုရင်ကလေး တဖြည်းဖြည်း သူ့ဆိုင်နားရောက်လာတော့ ဒီဒါယကာက လှမ်းမြင်တယ်၊ မြင်လိုက်တယ်ဆိုလျှင်ပဲ စိတ်ပြောင်းသွားပြီး လှူချင်တဲ့စိတ်တွေ ချက်ချင်းပေါ်ထွက်လာတယ်။ ဖုံးထား ၀ှက်ထားတဲ့ ကမ္ဗလာတွေ အ၀တ်တွေ ဖယ်လိုက်တယ်။ သူ့ဆိုင်ရှေ့ရောက်လာတော့ အကောင်းဆုံးကမ္ဗလာတွေရွေးပြီးတော့လှူလိုက်တယ်။
မုချ လိုအပ်တဲ့စက်။ ။ ဘာကြောင့် ဒီဒါယကာ ဒီလိုဖြစ်ရသလဲ။ အစက လုံးဝ မလှူချင်လို့ ဖုံးထား ၀ှက်ထားတဲ့ဟာတွေ၊ အခုမှ ကိုရင်လေးမြင်လိုက်ရတာနဲ့ပဲ လှူချင်စိတ်တွေ ပေါ်ပြီးတော့ အကောင်းဆုံးကမ္ဗလာတွေကို ရွေးလှူချင်တယ်ဆိုတာ ကိုရင်ကလေးရဲ့ ဘုန်းကံကြောင့်ပဲ။ ဘာဘုန်းလဲဆို အရင်ဘ၀က နို့ဆွမ်းနဲ့ သင်္ကန်းလှူဒါန်းတဲ့ ဘုန်း၊ ဒီဘ၀မှာ ကမ္ဗလာ လှူတဲ့ ဘုန်းပေါ့..
အဲဒိဘုန်းကံတည်းဟူသော အကြောင်းတရားက အကျိုးပေးဖို့ရာ အချိန်ကျလာတဲ့အတွက် မူလက မလှူချင်တဲ့ ဒါယကာတောင်မှ လှူချင်စိတ်၊ လှူချင်တဲ့စေတနာတွေ ရုတ်တရက် ဖြစ်ပေါ်လာပြီး အကောင်းဆုံး ကမ္ဗလာတွေကို လှူရတယ်။ ဒီတော့ ပုဗ္ဗေစ ကတပုညတာ= ရှေးဘ၀က ကောင်းမှု ပြုခဲ့ရမယ် ဆိုတဲ့ စက်ဟာဖြင့် သတ္တ၀ါတိုင်း သတ္တ၀ါတိုင်းအတွက် မုချ လိုအပ်တဲ့ စက်ပဲဆိုတာ အင်မတန် ထင်ရှားပါတယ်။
လှူလု့ရှိ ရှိလို့လှူ။ ။ “မရှိလို့ မလှူ မလှူလို့ မရှိ” ဆိုတောသာ မြန်မာစကားရှိတယ်မဟုတ်လား၊ အဲဒါ မရှိတော့မလှူဘူးတဲ့ မလှူပြန်တော့လည်း မရှိပြန်ဘူး၊ အဲသည်တော့ မရှိတော့လည်း ရှိသလောက်ပဲ တတ်နိုင်သလောက်ကလေး ဖဲ့ပြီး လှူရတယ်။ ဥပမာ- ထမင်းက ကိုယ့်အိမ်မှာ ချက်ထားတာ ဆန်နို့ဆီတစ်လုံး ချက်ထားတယ်။ နို့ဆီတစ်လုံးချက်ကို စားရမှာက နှစ်ယောက်မျှ စားရမယ်၊ အဲဒိနှစ်ယောက် မျှစားရမယ့်အထဲက ဆွမ်းတစ်ဇွန်းလောက်များ ဖဲ့ပြီး လောင်းလိုက်ရင် အကျိုးမများနိုင်ဘူးလား။ ဆွမ်းအနေနဲ့ ကြည့်မယ်ဆိုလျှင် တစ်ဇွန်းတည်း၊ ဒါပေမယ့် မိမိစေတနာ ထက်သန်အာကောင်းလျှင် အဲဒိကုသိုလ်ဟာ ကြီးမားတဲ့ ကုသိုလ်လား၊ သေးသိမ်တဲ့ကုသိုလ်လား၊ အကျိုးမခံစားနိုင်ဘူးလား၊ ခံစားနိုင်သလား၊ ဒါကြောင့်မရှိသော်လည်း တတ်နိုင်သလောက် ဖဲ့ပြီး လှူရတယ်၊ ဒါမှလည်း နောက်ကျတော့ ရှိလာတယ်၊ ရှိလာတဲ့အခါကျတော့ ရှိသလောက် လှူပေရော့… မဟုတ်ဘူးလား..
လာဘ်ကိုထား၍ တရားကိုရှာ။ ။ အဲဒိလိုနဲ့ ကိုရင်လေးဟာ သံဃာတစ်ထောင်အတွက် ကမ္ဗလာ သင်္ကန်းတစ်ထောင်ရသွားတယ်၊ ဒီတော့ ကိုရင်က ပိုပိုပြီး နာမည်ကြီးလာတယ်၊ လာပြီး ဖူးမြော်သူ တွေ ပိုပိုများလာတော့ သူ့ရည်ရွယ်ချက် ပျက်ရမလို ဖြစ်နေတယ်။ သူ့ရည်ရွယ်ချက်က တရားအား ထုတ်ဖို့ ရည်ရွယ်ချက်။ ဒါယကာ ဒါယိကာမတွေ အဆက်မပြတ် လာနေတော့ တရားအားထုတ်ဖို့ အချိန်မရတော့ဘူး။ ဒီအတိုင်းသာဆိုလျှင် ဘယ်လိုမှ တရားရမှာ မဟုတ်ဘူး၊ ရှေးကံပါရမီက နှိုးဆော်တော့ မနေနိုင်ဘူး၊ သူ ဒါနပြုစဉ်က သူရဲ့ စိတ်ထား ဦးတည်ချက်က အရှင်သာရိပုတ္တရာ သိတဲ့ တရားကို သိရပါလို၏ လို့ ဆုတောင်းဦးတည်ထားတာ။ သူ့ဦးတည်ချက်အတိုင်း အရှင်သာရိပုတ္တရာ သိတဲ့ တရားကို သိဖို့ အချိန်ကျနေပြီ၊ ပါရမီက ပြည့်နေပြီ။
ဒီတော့ သူနေလို့မရတော့၊ ဘယ်သူ့ကိုမှ မပြောဘဲ မြတ်စွာဘုရား ထံမှာသာအရဟတ္တဖိုလ် အထိ ကမ္မဋ္ဌာန်းတောင်းပြီး ဇေတ၀န် ကျောင်းကနေ တစ်ပါးတည်း တိတ်တဆိတ်ထွက်သွားတယ်။ ယူဇနာ တစ်ရာ့နှစ်ဆယ် ဝေးတဲ့ နေရာရောက်တော့ ရွာတစ်ရွာနားက ဖြတ်အသွားမှာ ဒကာတစ်ယောက် တွေ့တယ်။
ရွာအနီးအပါးမှာ တောရကျောင်း ရှိမရှိ မေးလို့ ဒကာက ရှိကြောင်း လျှောက်ထားပြီး ကိုရင်ကလေး တိဿကို တောရကျောင်း လိုက်ပို့ပေးတယ်။ လမ်းခရီးတလျှောက် တောတောင် စိမ့်စမ်းတွေကလဲ သာယာတော့ ကိုရင်လေးက “ဒကာကြီး … ဒီနေရာက ဘာလဲ၊ ဒီနေရာကိုရော ဘယ်လို ခေါ်သလဲ” စသည်ဖြင့်မေးတော့ ဒကာကလည်း ကိုရင်လေး သိချင်တာကိုဝမ်းပန်းတသာ နဲ့ ဖြေပေးတယ်။ ၇ နှစ်သား ဆိုတော့ အမေးအစမ်းထူတဲ့အရွယ်ကိုး။
ကျောင်းရောက်တော့ ဒကာကြီးက အကောင်းဆုံး နေရာကို နေရာထိုင်ခင်း ရှင်းလင်းပေးပြီး
“အလွန်ကောင်းတဲ့ ကျောင်းပါ ဘုရား၊ ကိုရင် ချမ်းချမ်းသာသာ သတင်းသုံးနိုင်ပါတယ်၊ ဒါထက် ကိုရင့်ဘွဲ့က ဘ ယ်သူပါလဲ”
“ရှင်ဝန၀ါသိတိဿပါ ဒကာကြီး”
“ တပည့်တော်တို့ရွာကို နေ့စဉ် ဆွမ်းခံကြွပါနော်”
ကိုရင်လေးက ဆိတ်ဆိတ်နေခြင်းဖြင့် သဘောတူလိုက်တယ်။ ဒကာကြီးလဲ ၇ နှစ်သား ကိုရင်လေးရဲ့ ရုပ်ရည် ရူပကာယ၊ နေပုံထိုင်ပုံ၊ ပြောပုံဆိုပုံလေးတွေနဲ့ တစ်ပါးထည်း တောထွက်လာတဲ့ စိတ်ဓာတ်နဲ့ သတ္တိကိုပါ ကြည်ညိုလွန်းလို့ ရွာရောက်တော့ “ ရှင်ဝန၀ါသိတိဿ ဆိုတဲ့ ကိုရင်လေးတစ်ပါး တို့များ တောရကျောင်းမှာ ရောက်နေတယ် နက်ဖြန်ကစပြီး ဆွမ်းခံကြွလိမ့်မယ်၊ ယာဂုတို့ ဆွမ်းတို့ လောင်းလှူကြဖို့ အသင့်ပြင်ထားကြ” လို့ အိမ်ပေါက်စေ့ လိုက်ပြီး နှိုးဆော်ရင်း ကိုရင်လေး ကြည်ညိုစရာကောင်းပုံ ပြောရတာလဲ မောလို့။
ရှင်ဝန၀ါသိတိဿ ဆိုတာ တောတောင် စိမ့်စမ်းကို သဘောကျလို့ တောမှာပျော်လို့ သူ့ဟာသူ မှည့်လိုက်တဲ့ ဘွဲ့ပဲ။ အများက ပေးထားတဲ့ ဘွဲ့ကတော့ ဆွမ်းတွေ့လွန်း လှူနိုင်လွန်းလို့ ”ပိဏ္ဍပါတဒါယကတိဿ”၊ ကမ္ဗလာတွေလှူလို့ ”ကမ္ဗလဒါယကတိဿ” တဲ့၊ သုံးမည်ရ ရှင်ကျော်ပေါ့လေ။
ကိုရင်လေးဟာ ကိလေသာကုန်ခန်းရေး၊ ဆင်းရဲငြိမ်းရေအတွက် နေ့မအား ညမနားကြိုးစား အားထုတ်တယ်။ ရွာကိုလည်း ဆွမ်းခံကြွတယ်၊ ဒါယကာ ဒါယိကာမတွေ ဆွမ်းလောင်းတိုင်း ရှိခိုးတို်င်း “ချမ်းသာကြပါစေ၊ ဆင်းရဲကင်းကြပါစေ” လို့ချည်း ဆုပေးတယ်။ တခြားဘာစကားမှ လည်း မပြော၊ ဘာတရားမှလည်း မဟောဘူး။ ပါရမီပြည့်သူ ဖြစ်လို့ ကြ်ိုးစားသလောက် တရားက ခရီးရောက်တယ်။ ရုပ်သဘောမှန် နာမ်သဘောမှန်ကို တစ်နေ့ထက်တစ်နေ့ ပိုပို ရှင်းရျင်းလင်းလင်း သိမြင်လာတယ်။ မမြဲ၊ ဆင်းရဲ၊ ပုဂ္ဂိုလ် သတ္တ၀ါ ငါမဟုတ်တဲ့ သဘောတွေကို ပြက်ပြက်ထင်ထင်မြင် လာတယ်။
အချို့ညတွေမှာကိုရင်ဟာ အိပ်တောင်မှမအိပ်ဘဲကြိုးစားအားထုတ်တယ်။ ၀ါဦးကတည်းက စပြီး ကြိုးစားလာလိုက်တာ ၀ါလယ်ကျတော့ ရှုလိုက်တိုင်း ဖြစ်ပေါ်လာပြီး ပျောက်ပျောက်သွားတဲ့ သဘောတွေကိုချည်းပဲ တွေ့မြင်နေရသည်အထိ တရားက ရင့်လာတယ်။ ဒါနဲ့ သီတင်းကျွတ် လဆန်းပိုင်း ရောက်တော့ တရားအရှိန်ကောင်းသည်ထက် ကောင်းလာပြီး မဂ်ဥာဏ်လေးဆင့် ဖိုလ်ဥာဏ်လေးဆင့် အ စဉ်အတိုင်း တက်သွားပြီး အရဟတ္တဖိုလ်အထိ ရရှိသွားတယ်။ ပါရမီ ကလည်း ပြည့်ပြီးသား၊ ၀ီရိယဓာတ်ကလည်း ကြီးမားတော့ ၇ နှစ်သားအရွယ် သာမဏေငယ်လေး ပင်ဖြစ်သော်လည်း ၂ လသာသာလောက်အတွင်းမှာ ကိလေသာ ခပ်သိမ်း ငြိမ်းအေးသွားတယ်။
ဝါကျွတ်တော့ မြတ်စွာဘုရားနဲ့အတူ အရှင်သာရိပုတ္တရာ၊ အရှင်မောဂ္ဂလ္လာန် စတဲ့ အဂ္ဂသာဝက ကြီးများ၊ မဟာသာဝက ကြီးများရော သံဃာတော်များပါ ကိုရင်လေး သိဿနေရာကို ကြွရောက် ချီးမြှောက်တော်မူကြသည်အထိ ရေးထားကာ လေးစားကြတယ်။ ကိုရင်ကလေး အကြောင်းပြုပြီး သူ့ ဂါစရဂါမ် ဆွမ်းခံရွာက ဒါယကာ ဒါယိကာမတွေကိုလည်း မြတ်စွာဘုရားနဲ့ အတူ သာဝကကြီးများ၊ သံဃာတော်များကို ဖူးမြော် ကြည်ညိုခွင့်၊ ဆွမ်း ခဲဖွယ်၊ ဘောဇဉ် ချိုချဉ် ရသာ ဆက်ကပ် လှူဒါန်းခွင့် ရကြလို့ အတိုင်းမသိ ၀မ်းသာကြရတယ်။
ဒီ ရှင်ဝန၀ါသိတိဿ သာမဏေလေးရဲ့ ဖြစ်ရပ်ကို ကြည့်လျှင် ဒါနကုသိုလ်ဟာ စေတနာ အားကောင်းလျှင် လောကီကျိုး လောကုတ္တရာကျိုးနှစ်မျိုးလုံးကို ပေးစွမ်းနိုင်တယ်ဆိုတာ သိသာ ပါတယ်။လောကီကျိုးကတော့ သူ့အကြောင်းကျိုးသဘာဝအရ ရရှိမှာဖြစ်သော်လည်းလောကုတ္တရာ ကျိုးကတော့ မိမိတို့ကလိုလိုလားလားနဲ့ မဂ်ဖိုိလ် နိဗ္ဗာန်အထိစိတ်ဦးတည်ထားမှသာ ရနိုင်ကြောင်း အရှေ့မှာ ပြောခဲ့ပါတယ်။
ဦးတည်ချက်မှန်မှ လောကုတ္တရာအကျိုးရ။ ။ ဒီကိုရင်လေးကို ကြည့်ပါ။ သူ့ဒါနဟာ သံဃိက ဒါနတောင် မဟုတ်ဘူး၊ ပုဂ္ဂလိက ဒါနပဲ၊ သူဗြဟ္မဏဖြစ်စဉ်က လှူခဲ့တဲ့ ဒါနဟာ အရှင်သာရိပုတ္တရာ ကို ပုဂ္ဂိုလ်အနေနဲ့လှူခဲ့တာပဲ၊ ဒီဒါနကြောင့် လောကီကျိုးဖြစ်တဲ့ ဆွမ်းသင်္ကန်း ပေါများခြင်းအကျိုး ကို ရတယ်။ ဒီလောကီအကျိုးတွေဟာ သူလိုလားတာ မဟုတ်သော်လည်း ကြောင်းကျိုး သဘာဝအရ ဖြစ်ပေါ်လာတာ၊ သူလိုလားတာက ဘာလဲ အရှင်သာရိပုတ္တရာရတဲ့ အသိဥာဏ်မျိုး ရပါလို၏တဲ့၊ အရှင်သာရိပုတ္တရာရတဲ့ အသိဥာဏ်က မဂ်အသိ ဖိုလ်အသိပဲ။ ဒီအသိကို ရချင်လို့ ဒီအသိဥာဏ် ရရေးဆီကို ဗြဟ္မဏကြီးက သူ့စိတ်ကို ဦးတည်ထားတယ်။ ဦးတည်ထားတဲ့အတိုင်းပဲ အခု ကိုရင်တိဿ ဘ၀မှာ ကြိုးစား အားထုတ်လိုက်တော့ ရသွားတာပဲ။
စိတ်တခြား နှုတ်တခြား။ ။ ဒါပေမယ့် တစ်ခုတော့ ရှိတယ်။ အခုခေတ်မှာ “ဒီကုသိုလ်ကြောင့် နိဗ္ဗာန် ရပါလို၏ ဘုရား” လို့ အချို့နှုတ်က ဆုတောင်းကြတယ်။ ဒါပေမယ့် သူ့စိတ်ကတော့ နှုတ်နဲ့ ဆန့်ကျင်ဘက်၊ သူများနိဗ္ဗာန်ဆိုလို့ လိုက်နိဗ္ဗာန်လိုက်ရတယ်။ နိဗ္ဗာန်ဆိုတာ ဘာမှန်းမသိတော့ သူ့စိတ်လိုလားတောင့်တတာက အဆင့်အတန်းမြင့်တဲ့ လူ့ဘ၀ နတ်ဘ၀ စသည်ပဲ။ သူဌေးကြီးဖြစ် ချင်တယ်၊ ဘုရင်ကြီး၊ သမ္မတကြီး ဖြစ်ချင်တယ်။ နတ်စည်းစိမ် ချမ်းသာကိုလည်း ခံစားကြည့်လိုက် ချင်သေးတယ်။ ဒါကြောင့် သူ့စိတ်က တကယ် ဦးတည်ထားတာကတော့ လောကီကျိုး လောကီ ချမ်းသာ ရဖို့ပဲ၊ ဘာကြောင့်လဲဆိုတော့ ဘ၀ဒုက္ခကို ဒုက္ခလို့ မမြင်သေး၊ သုခလို့ ထင်နေသေးလို့ပဲ။
ခလုပ်ထိမှ အမိတ။ ။ ဒီတော့ အခု ဗြဟ္မဏကြီးလဲ အရှင်သာရိပုတ္တရာသိတဲ့ မဂ်ဥာဏ် ဖိုဥာဏ်ကို ရပါလို၏လို့ ဆုတောင်းပေမယ့် သူ့စိတ်က မဂ်ဥာဏ်ဖိုလ်ဥာဏ်ဆီ ဦးတည်ထားတာ ဟုတ်နိုင်ပါ့ မလား၊ အခုခေတ် လူတွေလို စိတ်တခြား နှုတ်တခြားများ ဖြစ်နေမလား၊ မဖြစ်နိုင်ပါ။ ဘာကြောင့်လည်းဆိုတော့ ဗြဟ္မဏကြီးဟာ ဘ၀ဆင်ပြေလို့ ချမ်းသာနေစဉ်မှာ မဂ်ဖိုလ်ချမ်းသာကို အဓိပ္ပါယ်မရှိတဲ့ဟာလို့ ထင်ကောင်းထင်ခဲ့ပါလိမ့်မယ်။ ဒါပေမယ့် ခုလို အမြင့်ကကျပြီး အထည်ကြီး ပျက်ဘ၀နဲ့ တစ်နေ့စာ တစ်နေ့ ရှာနေရတဲ့ အခြေအနေမှာတော့ ဘ၀ဒုက္ခ ဘ၀ဆင်းရဲ ဘ၀အဓိပ္ပါယ်ကို ကျကျနနကြီး သဘောပေါက်နေပါပြီ။ ဒါကြောင့် ဘ၀ဆင်းရဲမှ လွတ်လိုစိတ် အမှန်နဲ့ပဲ မဂ်ဥာဏ်ဖိုလ်ဥာဏ်ကို ရည်သန်တောင့်တတာ အ မှန်ပါပဲ။ ဒါကြောင့်လည်း သူတောင့်တတာကို ကိုရင်လေး တိဿ ဘ၀မှာ သူရတာပဲ။
အမြင့်ကကြည့်ရင် အမှန်မမြင်နိုင်။ ။ အခုခေတ်မှာလဲ ထိုနည်းတူပါပဲ၊ မိမိတို့ရဲ့ အသိုင်းအ၀ိုင်း ထဲမှာပဲ ကြည့်ပါ၊ ပစ္စည်းပစ္စယ ပြည့်စုံနေတဲ့အခါ ရာထူးမြင့်မြင့်ကြီးတွေ ရနေတဲ့အခါ ဘ၀အဆင် ပြေနေတုန်းမှာ အဲဒိအခြေအနေကို တစ်သက်တာပတ်လုံး တည်မြဲနေမယ်လုိ့ ယူဆပြီး မိုးမမြင် လေမမြင် ဘယ်သူ့ကိုမှ ထီမထင်ကြဘူး။ စိတ်ချမ်းသာရေးအတွက် ရတနာသုံးပါးကို အာထားရာ အနေနဲ့ ဆည်းကပ်နေကြတဲ့ လူတွေကိုတောင်မှ အဓိပ္ပါယ်မရှိတာတွေကို လုပ်နေတဲ့ ရယ်စရာ သတ္တ၀ါတွေလိုလို နှာခေါင်းရှုံ့တတ်ကြသေးတယ်။
ဘ၀အထိနာမှ အသိနာမည်။ ။ အဲဒိလို လူတွေပဲ အကြောင်းတစ်စုံတရာကြောင့် သင်္ခါရသဘော အရ ပစ္စည်းလျှော ရာထူးလျှောပြီး အမြင့်ကနေ ဖုတ်ကနဲ ပြုတ်ကျလို့ စိတ်ဆောက်တည်ရာ ဘယ်လိုမှ မရနိုင်တော့မှ “ဘ၀နာတယ်ဆိုတာ ဒီလိုပါလား” လို့ အထိနာနာနဲ့ ဘ၀အသိကို ရရှိလာကြတယ်။ ဘ၀ဆိုတာ “ဒုက္ခကို ခေါ်တာပါလား” လို့ ဘ၀အဓိပ္ပါယ်ကို နားလည်သဘော ပေါက်လာကြတယ်။
ဒီတော့မှ ဒီဒုက္ခကို ငြိမ်းဖို့ရာ ဘုရားရိပ် တရားရိပ် သံဃာရိပ်မှတစ်ပါး တခြားမမြင်တော့ တရားလုပ်ငန်းခွင့်ကို ပြေးဝင်လာကြတယ်။ အဲဒိအခါကျမှ ရတနာသုံးပါးရဲ့ တန်ဖိုးကို နားလည်လာပြီး အမြင်မှန်ရလို့ မာနမျက်မှန်စိမ်းကြီး ကျွတ်ကျသွားကြတတ်တယ်။
စိတ်စွမ်းအင်။ ။ ကိုရင်တိဿရဲ့ ရှေးဘ၀က ဗြဟ္မဏကြီးလည်း ဘ၀အထိ ဘ၀အသိ နာနေပြီမို့ ဘ၀ဆင်းရဲက လွတ်ချင်တဲ့ စိတ်ဆန္ဒပြင်းပြနေချိန်ဆိုတော့ မဂ်ဥာဏ် ဖိုလ်ဥာဏ်ရရေးမှာ သူ့စိတ်ဓာတ် စွမ်းရည်က အင်မတန် ထက်မြက်နေတယ်။ စိတ်ဓာတ်ရဲ့ စွမ်းအားဟာ အင်မတန် ကြီးမားတယ်။ တည်ငြိမ်လေ စွမ်းအားကြီးမား ထက်မြက်လေပဲ။ အဲသည်လို စိတ်ဓာတ်တက်တုန်း စွမ်းအင်ကြီးမားတုန်းမှာ လိုရာကို တောင့်တ၊ တောင့်တတဲ့အတိုင်း အကောင်အထည်ဖော်ပြီး လုပ်ကိုင်လျှင် စိတ်ဦးတည်ထားတဲ့အတိုင်း ဖြစ်မြောက်တာဟာ သဘာဝ နိယာမပဲ။ ဒါကြောင့် ရှင်ဝန၀ါသိတိဿ အရဟတ္တဖိုလ်အထိ ရရှိသွားတာဟာ တကယ်တော့ အဆန်း မဟုတ်ချေ။
ဒါနသက်သက်ကြောင့်တော့မဟုတ်ဘူး။ ။ အဲဒိလို တရားရသွားတာဟာစိတ်ဦးတည်ချက်မှန်မှန်နဲ့ လှူခဲ့တဲ့ နွားနို့ထမင်းနဲ့ ပိတ်ပိုင်းဒါနက အကြောင်းအထောက်အပံ့ပြုလို့ ရသွားတာပဲ။ သို့သော်လည်း ဒီဒါန သက်သက်ကြောင့် ရတာမဟုတ်ဘူးဆိုတာကတော့ သတိပြုရမယ်။ မဂ်ဥာဏ် ဖိုလ်ဥာဏ်ရကြောင်း ဆင်းရြှဲုငိမ်းကြောင်း ၀ိပဿနာ အကျင့်ကောင်း အကျင့်မှန်ကို အားထုတ်ရာမှာ တွန်းအား ဖိအား အနေနဲ့ ဒါနက ကူညီထောက်ပံ့ပေးနိုင်တာပဲ ရှိတယ်။ ဒါန သက်သက်ကြောင့်တော့ မဂ်ဥာဏ် ဖိုလ်ဥာဏ် မရစေနိုင်ပါဘူး။
လောကုတ္တရာကျိုးကို ဦးတည်ပါ
နိဂုံးချုပ်အနေနဲ့ ကျွန်ုပ်တို့အားလုံးသော ဗုဒ္ဓဘာသာအနွယ် ၀င်များဟာ ဘ၀ကို ရှုထောင့်အမှန်ကနေ ကြည့်နိုင်ကြပြီး အသိမှန် အမြင်မှန်နဲ့ သိမြင်နိုင်ကြလို့ ဒီကနေ့ ကျွန်တော် / ကျွန်မတို့ ပြုတဲ့ ကထိန်သင်္ကန်းဒါန စတဲ့ ကုသိုလ်အစုစုကြောင့် ဆင်းရဲနဲ့ ရောနေတဲ့ လောကီအကျိုးတွေကို ဦးတည်ချက်မထားဘဲ ဆင်းရဲမဖက် ချမ်းသာစစ်စစ်ဖြစ်တဲ့ လောကုတ္တရာ အကျိုးကိုပဲ ဦးတည် ထားနိုင်ကြပါစေ။ အဲသည်လို ဦးတည်ထားတဲ့အတိုင်းလည်းပဲ ဆင်းရဲငြိမ်း ကြောင်း အကျင့်ကောင်း အကျင့်မှန်တွေကို ကျင့်ကြံပွားများ အားထုတ်နိုင်ကြသဖြင့် ဆင်းရဲ ခပ်သိမ်း ငြိမ်းရာ နိဗ္ဗာန်ကို လျင်မြန်စွာ မျက်မှောက်ပြုနိုင်ကြပါစေ။ ။
သာဓု သာဓု သာဓု
